पाचोरा, (प्रतिनिधी)- अहमदाबाद गुजरात येथील रांगोली आर्ट गृप आयोजित राष्ट्रीय ऑनलाईन रांगोळी स्पर्धा National Rangoli online Competition मध्ये कु. धनश्री चिंतामण पाटील पुनगांव मांडकी ता. पाचोरा हीने रांगोळी स्पर्धेत संपूर्ण देशातून प्रथम क्रमांक पटकावला आहे.
तिला लवकरच रांगोंली आर्ट गृप अहमदाबाद गुजरात यांच्या तर्फे गोल्ड मेडल ने सन्मानित करण्यात येणार आहे.
मे 2020 मध्ये फेसबुक वर ही स्पर्धा आयोजित करण्यात आली होती.त्या स्पर्धेसाठी देशभरातुन जवळ जवळ दोनशे पन्नास रांगोळी स्पर्धेक सहभागी झाले होते.त्यात धनश्री पाटील ही प्रथमरॅकमध्ये आली आहे.त्या सोबतच द्वितीय क्रमांक पाचोरा येथील श्रृती अग्रवाल हीने पटकावला आहे.या स्पर्धेत धनश्री पाटील हीने काढलेल्या बालगणेश पोस्टर रांगोळीस प्रथम क्रमांक मिळाला आहे.तीला कलाछंद रांगोळी क्लासेसचे श्री.शैलेश कुलकर्णी सर यांचे मार्गदर्शन लाभले.
तीला मिळालेल्या यशानंतर आमदार किशोर अप्पा पाटील तसेच पुनगांव मांडकी गृप ग्रामपंचायत चे सरपंच प्रविण अप्पा पाटील यांनी धनश्री चे अभिनंदन केले आहे.
धनश्री पाटील ही पुनगांवचे माजी सरपंच चिंतामण पाटील यांची मुलगी आहे. सर्वच स्तरातून धनश्री चे अभिनंदन होत आहे.
