नवी दिल्ली – नागरिकत्व दुरुस्ती कायद्याविरोध देशभरात आंदोलन होत आहे. तर दुसरीकडे या कायद्याच्या समर्थनात मोर्चे आणि रॅली काढण्यात येत आहे. केंद्रीय मंत्री पत्रकार परिषदेत या कायद्याविषयी बारकाईने जनतेला माहिती देत आहेत. यासोबतच विरोधी पक्ष या कायद्याबद्दल लोकांमध्ये संभ्रम निर्माण करीत असल्याचे सांगत आहेत. मध्य प्रदेशातील पथेरियाचे बसपाच्या आमदार रमाबाई परिहार यांनी पक्षाविरोधात जात या कायद्याचे समर्थन केले होते. यामुळे बसप पक्षाने रमाबाई यांच्यावर कारवाई करत त्यांना पक्षातून निलंबित केले आहे. बसपाच्या अध्यक्षा मायावती यांनी ट्वीटरद्वारे ही माहिती दिली.
