हरियाणातील कर्नाल येथील सलीम नावाचा व्यक्ती पाच मुले असलेल्या आपल्या मेहुणीसह पळून गेला आहे. सलीमला सुद्धा चार मुलं असून त्याची पत्नी अजूनही गरोदर आहे. म्हणजेच त्याचे पाचवे अपत्यही जन्माला येणार आहे. याप्रकरणी महिलेच्या कुटुंबीयांनी पोलीस ठाण्यात तक्रार दाखल केली आहे.
मिळालेल्या माहितीनुसार, उत्तर प्रदेशातील फारुखाबादचा सलीम हा हरियाणातील कर्नालमधील घरौंडा भागात राहतो. काही दिवसांपूर्वी त्यांच्या गर्भवती पत्नीची प्रकृती खालावली होती. यानंतर त्याने पत्नीची काळजी घेण्यासाठी मेहुणीला बोलावले. काही दिवसांनी सलीम आपल्या मेहुणीसोबत पळून गेला. या दोघांमध्ये बऱ्याच दिवसांपासून प्रेमसंबंध सुरू होते, असे सांगण्यात येत आहे. तो पळून गेल्यानंतर सुरुवातीचे काही दिवस कुटुंबीयांना या प्रकरणाचा काहीच सुगावा लागला नाही.
सलीमला आधीच चार मुले आहेत आणि त्याची पत्नी पाचव्या मुलासाठी गर्भवती आहे. त्याचा मेहुणा जिच्या पत्नीसोबत तो पळून गेला तिलाही पाच मुले आहेत. दोघेही पळून गेल्यानंतर कुटुंबीय अनेक दिवस त्यांचा शोध घेत होते.
मात्र, त्यांचा शोध लागला नाही. तक्रार आल्यानंतर पोलिसांनी एफआयआर नोंदवला आहे. या दोघांचा शोध घेण्यासाठी तपास सुरू करण्यात आला आहे. मात्र, या दोघांचाही शोध अद्याप लागलेला नाही.
