जळगाव : एकाच जातीचे तरुण-तरुणी ‘लिव्ह-इन’ मध्ये राहत असल्याच्या वादातून तरूणाच्या कुटुंबाला जबर मारहाण करण्यात आली. यावल तालुक्यातील एका गावात ही घाना घडलीय. या प्रकरणी पोलिसांत गुन्हा दाखल झाला आहे.
मिळालेल्या माहितीनुसार, यावल तालुक्यातील एका गावात एकाच जातीचे तरुण- तरुणी मागील चार महिन्यांपासून ‘लिव्ह ईन’ मध्ये राहत होते. यामुळे संतप्त झालेल्या तरुणीच्या कुटुंबियांनी तरुणाच्या घरात घुसून दोन जणांना जबर मारहाण केली. ही घटना १५ रोजी दुपारी १.३० वाजेच्या सुमारास घडली.
शिवाय घरातील सुमारे पन्नास हजार रूपये किमतीच्या मौल्यवान वस्तुची तोडफोड केल्याची घटना समोर आली आहे. या प्रकरणी तरुणाच्या कुंटुब्यांनी यावल पोलीस ठाण्यात तक्रार दिली आहे.
