जळगाव : तालुक्यातील कंडारी शिवारातील गट नंबर 375 या वनविभागाच्या मालकीच्या जमिनीचे बनावट कागदपत्रे मुकुंद ठाकूर याने इतरांच्या मदतीने तयार करून भूमीहिनांना शासकीय नजराणा भरून शासन जमीन देणार आहे, अशी खोटी थाप मारली होती. भूमीहिन साक्षीदारांच्या सातबारा उतार्यावर नावे लागल्याचे खोटे व बनावट सातबारे उतारे तयार करीत ते खरे असल्याचे भासवत बनावट खरेदीखत तयार करण्यात आले.
जळगाव तालुक्यातील कंडारी येथील वनजमिनीचे बनावट कागदपत्रे तयार करीत त्यांची विक्री कररून फसवणूक झाल्याचा प्रकार समोर आल्यानंतर मुकूंद बलबीरसिंग ठाकूर याला अटक करण्यात आली होती. संशयिताने जामिनासाठी अर्ज दाखल केल्यानंतर न्यायालयाने तो फेटाळून लावला.
