जळगाव । जळगाव शहरातील प्रसिद्ध राजमल लखीचंद ज्वेलर्सवर आज ईडीची (सक्त वसूली संचलनालय) एका खास पथकाने धाड टाकली असून कोट्यवशीच्या कर्जबुडी प्रकरणी ही तपासणी केली जात असल्याची चर्चा आहे.
जळगाव शहरातील राजमल लखीचंद ज्वेलर्समध्ये गुरुवारी दुपारी ११ वाजेच्या सुमारास गाड्यांचा ताफा पोहचला. फर्ममध्ये सक्तवसुली संचालनालय आणि आयकर विभागाची धाड पडल्याचे सुरुवातीला सांगण्यात येत होते.
सध्या फर्ममध्ये सक्तवसुली संचालनालय आणि आयकर विभागाचे अधिकारी चौकशी करीत आहे. फर्ममध्ये ग्राहकांना जाऊ दिले जात नसून इतर कर्मचारी देखील बाहेर उभे आहेत. दरम्यान, कोट्यवशीच्या कर्जबुडी प्रकरणी ही तपासणी केली जात असल्याची चर्चा आहे.
