कोरोना काळात ऑनलाईन शिक्षणामुळे प्रत्येकाच्या हातात मोबाईल आल्यामुळे लहान मुलांना फ्री फायर पबजी सारख्या ऑनलाईन गेम खेळण्याचे व्यसन लागले. मात्र या ऑनलाईन गेमिंगचा विद्यार्थ्यांच्या मानसिक आरोग्यावर कसा विपरीत परिणाम होतो. याचाच एक धक्कादायक व्हिडिओ सोशल मीडियावर व्हायरल होत आहेत.
राजस्थानमधील अलवर शहरातील मुंगस्का कॉलनीत राहणाऱ्या 7वीत शिकणाऱ्या 14 वर्षीय मुलाला मोबाईलचे व्यसन होते. तो सतत मोबाईलवर फ्री फायर आणि PUBG सारखे ऑनलाइन गेम खेळत असे. गेमच्या आहारी जावून मुलाची शेवटी अशी अवस्था झाली की त्याला एका वसतीगृहात डांबून ठेवण्याची वेळ त्याच्या आई वडिलांवर आली
#WATCH | Rajasthan | Case study of a child in Alwar who is suffering from severe tremors after being addicted to online gaming.
Special Teacher Bhavani Sharma says, "A child has come to our special school. As per our assessment and the statements of his relatives, he is a victim… pic.twitter.com/puviFlEW6f
— ANI MP/CG/Rajasthan (@ANI_MP_CG_RJ) July 12, 2023
मुलाचे मानसिक संतुलन बिघडल्याने त्याला आता दिव्यांग संस्थेच्या वसतिगृहात दाखल करून उपचार सुरू आहेत. मुलांच्या वसतिगृहात योजना क्रमांक ८ मध्ये दाखल केले आहे. जिथे त्याला समुपदेशक मदत करत आहेत. मानसोपचार तज्ज्ञ आणि इतर डॉक्टरांची टीमही त्याच्यावर काम करत आहे, ज्याचा फायदा त्याला आता मिळत आहे.
या मुलाचे आई सफाई कामगार आणि वडील रिक्षा चालक आहेत. त्यामुळे ते सकाळीच कामासाठी घरातून निघून जायाचे. अशावेळी मुलगा घरात एकटाच असायचा. त्यामुळे त्याला मोबाईलचे प्रचंड वेड लागले.
