आजच्या युगात सोशल मीडियावर व्हायरल होण्यासाठी लोक कोणत्याही थराला जायला तयार असतात. सोशल मीडियावर रील व्हायरल झाल्यानंतर अनेकजण स्टार झाले आहेत, अशा परिस्थितीत आता हे भूत सर्वांच्या डोक्यावर बसले आहे. या वेडेपणात कधी कधी लोक आपला जीव धोक्यात घालण्यापासून मागे हटत नाहीत.
दरम्यान, अंगावर काटा आणणारा व्हिडीओ व्हायरल होत आहे. ज्यामध्ये एक माणूस रेल्वे रुळाखाली पडून रील बनवताना दिसत आहे. रेल्वे आणि रेल्वे रुळांवर वाढत्या अपघातांची संख्या पाहता रेल्वेकडून अशा लोकांवर अनेकदा कारवाई करण्यात आली आहे, मात्र लोक त्यांच्या या कृत्यापासून परावृत्त होत नाहीत. हा व्हिडिओ इंटरनेटवर मोठ्या प्रमाणात व्हायरल होत असून त्यावर लोक वेगवेगळ्या प्रतिक्रिया देत आहेत. व्हायरल होत असलेल्या व्हिडिओमध्ये एक व्यक्ती जीवावर खेळताना आणि मस्ती करत रील बनवताना दिसत आहे.
वायरल वीडियो कहां का है यह तो पता नहीं लेकिन लोग इस तरह वीडियो बना रहे हैं जो सरासर गलत है ऐसे लोगों के खिलाफ रेलवे पुलिस को कड़ी कार्रवाई करनी चाहिए ताकि भविष्य में ऐसा करने से पहले सौ बार सोचे @RPF_INDIA @AshwiniVaishnaw @RailMinIndia pic.twitter.com/VmqAvN3yYw
— ABHISHEK NAREDA (@NaredaAbhishek) July 1, 2023
व्हिडिओमध्ये तुम्ही पाहू शकता की, पुलावर रेल्वे ट्रॅकखाली पडलेला एक व्यक्ती आपले दोन्ही हात डोक्याखाली ठेवतो. ही व्यक्ती रुळाखाली दोन मोठ्या दगडांमध्ये पडली आहे आणि तेव्हाच ट्रेन सुसाट वेगाने जाते. ट्रेन आरामात रुळावरून जात आहे आणि हा तरुण आरामात पडून ट्रेनकडे बघत आहे आणि जेव्हा जोराचा वारा येतो तेव्हा तो आपला चेहरा दुसरीकडे वळवतो. दुसरी व्यक्ती त्या व्यक्तीच्या डोक्यावरून व्हिडिओ बनवत आहे.
हे काही पहिले प्रकरण नाही. यापूर्वी रील बनवताना रेल्वेची धडक बसून एका व्यक्तीचा मृत्यू झाला होता. असे असतानाही लोक रेल्वेच्या भोवती अशा रिले तयार करताना दिसतात. हा व्हिडीओ वेगाने पसरत असून अशा लोकांवर रेल्वेकडून कडक कारवाई करण्यात येणार असल्याची चर्चा आहे. मात्र, हा व्हिडीओ कुठचा आहे आणि हा व्हिडीओ कोणी बनवला आहे, याबाबत अद्याप कोणतीही माहिती समोर आलेली नाही.
