पारोळा : राज्यासह जळगाव जिल्ह्यात महिलांसह अल्पवयीन मुलींवर होणारे अत्याचार कमी होत नाही. अशातच जिल्ह्यतील पारोळा तालुक्यातून एक धक्कादायक घटना समोर आलीय. एका ३५ वर्षीय महिलेला दुचाकीवर बसवून जंगलात नेऊन अत्याचार केल्याची घटना समोर आली. याप्रकरणी पारोळा पोलीस स्टेशनला गुणही दाखल करण्यात आला आहे.
सुत्रांकडून मिळालेली माहिती अशी की, पारोळा तालुक्यातील एका गावात ३५ वर्षीय महिला ही आपल्या परिवारासह वास्तव्याला आहे. तिच्या गावातील ओळखीचा लखन जगन पवार याने २५ जून रोजी दुपारी साडेचार वाजेच्या सुमारास दुचाकीवर बसवून जंगलात घेवून गेला. तिथे तिचे तोंड दाबून जीवेठार मारण्याची धमकी देत तिच्यावर जबरी अत्याचार केला. हा प्रकार घडल्यानंतर महिलेने पारोळा पोलीस ठाण्यात धाव घेवून तक्रार दिली. त्यानुसार संशयित आरोपी लखन जगन पवार याच्या विरोधात बलात्काराचा गुन्हा दाखल करण्यात आला आहे. पुढील तपास पोलीस उपनिरीक्षक राजू जाधव करीत आहे.
