जळगाव : सख्ख्या बापाकडूनच अल्पवयीन मुलीचा विनयभंग केल्याचा संतापजनक प्रकार समोर आला आहे. याप्रकरणी नराधम पित्याविरुद्ध एमआयडीसी (Police) पोलीस ठाण्यात गुन्हा दाखल करण्यात आला आहे.
जळगाव तालुक्यातील एका गावात अल्पवयीन मुलगी ही आई व वडील यांच्यासोबत वास्तव्याला आहे. १३ फेब्रुवारीला सायंकाळी ७ वाजता अल्पवयीन मुलीचे वडील घरी आले. त्यावेळी मुलगी ही घरात अभ्यास करीत होती. तिच्या वडीलांनी तिचा हात पकडून तिला लज्जा उत्पन्न होईल; असे कृत्य करून विनयभंग केला.
सदर प्रकार घडल्यानंतर बाहेर काम करत असलेली पिडीत मुलीच्या आईने घरात धाव घेवून मुलीला सोडविले. त्यानंतर पिडीतेसह तिच्या आईने एमआयडीसी पोलीस ठाण्यात नराधम बापाविरोधात तक्रार दिली. पिडीत मुलीच्या आईने दिलेल्या तक्रारीवरून रात्री उशीरा गुन्हा दाखल करण्यात आला आहे. या घटनेचा तपास सहाय्यक पोलीस निरीक्षक अमोल मोरे करीत आहे.
