पणजीः तुम्ही जर गोव्याला सहलीचा किंवा फिरण्याचा प्लॅन करत असाल तर ही तुमच्या नक्की वाचा.. कारण गोवा सरकारने गोव्यातील पर्यटकांची सुरक्षितता लक्षात घेऊन नवीन नियमावली जारी केली आहे. या नियमांचे उल्लंघन केल्यास हजारो रुपयांचा दंड होऊ शकणार आहे. त्यामुळे नेमके कोणते नियम आहेत ते जाणून घेऊयात…
नियमावलीत म्हटले आहे की पर्यटकांसोबत छायाचित्रे काढण्यापूर्वी किंवा त्यांचे वैयक्तिक फोटो काढण्यापूर्वी त्यांची परवानगी घेणे आवश्यक आहे, विशेषत: जेव्हा ते उन्हात सागरी किनारी झोपत असतील किंवा समुद्रात मजा करत असतील तेव्हा त्यांच्या वैयक्तिक आयुष्यातील गोपनीयतेचा आदर केला जाणार आहे. त्यामुळे पर्यटकांचे फोटो काढताना आता गोव्यात जाणाऱ्या पर्यटकांना काळजी घ्यावी लागणार आहे.
नव्या नियमानुसार पर्यटकांना यापुढे खुल्या ठिकाणी अन्न शिजवता येणार नाही तसे 50,000 रुपयांपर्यंत दंडही होऊ शकतो. त्याचबरोबर समुद्रकिनाऱ्यावर दारू पिणाऱ्यांवरही कडक कारवाईचा इशारा देण्यात आला आहे.शासनाने खडकांवर आणि धोकादायक ठिकाणी सेल्फी न घेण्याचाही सल्ला दिला आहे. त्यामुळे अपघातांना आळा बसणार आहे.
हे पण वाचा..
आज या राशींचे भाग्य सूर्यासारखे चमकेल, वाचा आजचे राशिभविष्य
चिमुकल्याला बिस्किट पुडा देण्याचा बहाण्याने घरी नेलं अन्… जामनेर तालुका हादरला
चिकू फळात एक- नव्हे तब्बल 14 पोषक गुणधर्म आहेत; खाण्याचे फायदे वाचून चकित व्हाल
याशिवाय गोव्यातील ऐतिहासिक वास्तूंचे नुकसान पर्यटकांनी करू नये, असे आवाहनही गोवा सरकारकडून पर्यटकांना करण्यात आले आहे. एवढेच नाही तर जादा दर आकारू नयेत म्हणून टॅक्सीला मीटर पाहून भाडे देण्याच्या सूचना देण्यात आल्या आहेत. या मार्गदर्शक तत्त्वानुसार गोव्यात येणाऱ्या पर्यटकांना पर्यटन विभागाकडे नोंदणीकृत हॉटेलमध्ये राहण्याचा सल्लाही देण्यात आला आहे.
दरवर्षी मोठ्या संख्येने पर्यटक गोव्यात येत असतात, ज्यांना गुंड कमी पैशात चोरीच्या बाईक किंवा कार विकत असतात. नव्या मार्गदर्शक तत्त्वानुसार पर्यटकांना अशा लोकांपासून सावध राहण्याचा सल्लाही देण्यात आला आहे.
गोवा पर्यटन विभागाने 26 जानेवारी रोजी ही मार्गदर्शक तत्त्वे जाहीर करण्यात आली असून पर्यटकांची गोपनीयता, त्यांची सुरक्षा आणि फसवणुकीपासून त्यांचे संरक्षण करणे हा त्याचा उद्देश असल्याचे सरकारने स्पष्ट केले आहे.