जळगाव : राज्यात खरी शिवसेना कोणाची यावरून ठाकरे गटात आणि शिंदे गटात जोरदार रस्सीखेच सुरु असतानाच जळगावात मात्र शिंदे गटाने खळळखट्याक केलं आहे. कर्जाच्या वसुलीसाठी गुंड प्रवृत्तीचे लोकांना घरी पाठवलं जात असल्याचा आरोप करत शिंदे गटाच्या कार्यकर्त्यानी बजाज फायनान्स कंपनीच्या कार्यालयात घुसून तोडफोड केल्याची घटना अमळनेरात घडला. त्यामुळे सध्या शिंदे गटाची चर्चा जळगावात सुरू आहे.
बजाज फायनान्स कंपनीकडून घेतलेल्या पर्सनल लोनचा एक हप्ता थकल्याने कंपनीने वसूलीसाठी गुंड प्रवृत्ती वापरली. त्यावर शिंदे गटाने थेट रिअॅक्शन देत अॅक्शनच दाखवली. बाळासाहेबांची शिवसेनेच्या पदाधिकार्‍यांनी बजाज फायनान्सच्या कार्यालयाची तोडफोड केली. ही तोडफोड मंगळवारी सायंकाळी अंमळनेर शहरात झाली.
हे पण वाचा..
वहिनीसोबत दीराला ठेवायचे होते शारिरीक संबंध ; विरोध करताच केलं हादरवून सोडणारं कृत्य
FCI घोटाळ्याबाबत CBI ची कारवाई ; आतापर्यंत केला ‘इतक्या’ लाखाचा ऐवज जप्त, ७४ आरोपींविरुद्ध गुन्हा
तालुका प्रमुख प्रथमेश पवार यांनी बजाज फायनान्स कंपनीकडून कर्ज घेतले होते. त्यांचा पर्सनल लोनचा एक हफ्ता थकल्याने बजाज फायनान्सचे कर्मचारी त्यांच्या घरी गेले होते. त्यांनी तेथे दादागिरी केली. अशीच दादागिरी त्यांनी इतर शेतकऱ्यांवर केल्याच्याही तक्रारी येत होत्या.
त्यावरून शिंदे गटाचे संतप्त पदाधिकार्‍यांनी अमळनेर शहरातील बजाज फायनान्स कार्यालयाची तोडफोड केली. याबाबत रात्री उशिरापर्यंत पोलिसांत गुन्हा दाखल करण्याचे काम सुरू होते
