चिपळूण : तुम्ही अनेक वेळा सर्पदंशाने मृत्यू झाल्याच्या अनेक घटना वाचल्या असतील. मात्र, आता समोर आलेली घटना मन हेलावणारी आहे. उंदराचा पाठलाग करत साप घरात शिरला होता. यानंतर घरात शिरलेल्या सापाने झोपेत असलेल्या अकरावीत शिकणाऱ्या मुलीला सर्पदंशाने मृत्यू झाला. ही दुदैवी घटना रत्नागिरी जिल्ह्यातील चिपळूणमधील घोणसरे येथून समोर आली आहे.
सिद्धी चव्हाण असे या विद्यार्थीनीचे नाव आहे. सापाने झोपेत असलेल्या सिद्धी चव्हाण हिला 3 वेळा दंश केला. ही घटना गुरुवारी दुपारी घडली आहे.
घटनेनंतर सिद्धी चव्हाणला उपचारासाठी रुग्णालयात नेण्यात आलं. मात्र, रुग्णालयात नेईपर्यंत उशीर झाला होता.. त्यामुळे सिद्धी चव्हाणचा दुर्दैवी मृत्यू झाला. दुपारची झोप घेत असलेल्या या मुलीला याची कल्पनाही नव्हती की आजची ही झोप तिच्यासाठी शेवटची ठरणार आहे. या घटनेनं हळहळ व्यक्त केली जात आहे.
