नवी दिल्ली : जागतिक बाजारातील मंदीमुळे शुक्रवारी सकाळी सोन्याच्या दरात मोठी घसरण झाली. गेल्या दोन सत्रांतील वाढीनंतर आज सोन्याचा दर ५१ हजारांवर आला. मात्र, आज चांदीच्या दरात 144 रुपयांची वाढ पाहायला मिळत आहे.
मल्टी कमोडिटी एक्सचेंज (MCX) वर आज सकाळी 24 कॅरेट शुद्धतेची फ्युचर्स किंमत 108 रुपयांनी घसरून 50,700 रुपये प्रति 10 ग्रॅम झाली, तर सोन्याचा भाव गेल्या काही सत्रांपासून स्थिर राहिला. गुरुवारी सकाळी सोन्याच्या फ्युचर्स किमतीत 600 रुपयांहून अधिक उसळी होती. आज सकाळी सोने 50,675 च्या भावाने उघडले आणि 0.21 टक्क्यांनी घसरून 50,700 रुपये प्रति 10 ग्रॅम झाले.
चांदीमध्ये किंचित वाढ
चांदीच्या दरातील वाढीचा कल आजही कायम आहे. शुक्रवारी सकाळी एमसीएक्सवर चांदीचा भाव 144 रुपयांनी वाढून 62,480 रुपये प्रति किलो झाला. गुरुवारी, चांदीच्या फ्युचर्स किमती सुरुवातीच्या व्यवहारात 1,700 रुपयांपेक्षा जास्त चढल्या होत्या. आज सकाळी चांदीचा भाव 62,086 रुपयांवर उघडला, परंतु काही काळानंतर तो 0.23 टक्क्यांनी वाढून 62,480 रुपये प्रति किलोवर पोहोचला.
जागतिक बाजारपेठेतील दबाव
जागतिक बाजारातही आज सोने स्वस्त झाले असून चांदी महाग झाली आहे. यूएस मार्केटमध्ये आज सकाळी सोन्याची स्पॉट किंमत 0.05 टक्क्यांनी घसरून $1,875.90 प्रति औंस झाली, तर चांदीची स्पॉट किंमत 0.14 टक्क्यांनी घसरून $22.49 प्रति औंस झाली. गेल्या महिन्यात, जागतिक बाजारात सोन्याची स्पॉट किंमत 2,000 डॉलर प्रति औंस आणि चांदीची स्पॉट किंमत 27 डॉलर प्रति औंसपर्यंत पोहोचली.
