जळगाव : शहरातील समतानगरात झालेल्या तरुणाच्या खुनाची घटना ताजी असतानाच आणखी एका खुनाने जळगाव शहर हादरले आहे. शिवाजीनगर हुडको परिसरातील तरुणाचा खून झाल्याच्या घटनेने खळबळ उडाली आहे. नरेश आनंदा सोनवणे (वय-३५) असे मयत तरुणाचे आहे.
या घटनेतील मारेकरी फरार झाला आहे. येथील रहिवासी असलेल्या महिलेचा पती बाहेरगावी असून या महिलेचे दोन युवकांसोबत प्रेमसंबंध जुळून आले. यातील एकाने प्रेमपात्राशी दुसऱ्याचे संबंध असल्याचे दिसून आले. त्यातून अनैतिक संबंधातून हि हत्या घडली असल्याची चर्चा परिसरात आहे.
दरम्यान, घटनास्थळी पोलीस उपअधीक्षक कुमार चिंथा, शहर पोलीस ठाण्याचे निरीक्षक विजय ठाकूरवाड हे पथकासह पोहचले आहेत. खून कशामुळे झाला, कुणी केला हे अद्याप स्पष्ट होऊ शकले नसले तरी चॉपरने वार केल्याने खून झाल्याची माहिती पोलिसांनी दिली आहे.
