पाचोरा । भडगाव आय.टी.आय.जवळ आज सकाळी भरधाव ट्रकने दिलेल्या धडकेत दुचाकीस्वार महाविद्यालयीन विद्यार्थ्याचा मृत्यू झाला तर सोबतचा गंभीर झाल्याची घटना घडलीय. मनोज अजबसिंग पाटील (वय – १७ वर्षे रा. नाचनखेडा, ह.मु.जयकिसान कॉलनी) असे मृत विद्यार्थ्याचे नाव आहे. तर त्याच्या सोबत असलेला दुचाकीस्वार गंभीर जखमी झाला आहे.
नाचनखेडा येथील शेतकरी कुंटूंबातील मनोज शिक्षणासाठी पाचो-याला काकांकडे रहात होता. तो भडगाव औद्योगिक प्रशिक्षण संस्थेत आयटीआयच शिक्षण घेत होता. मनोज व त्याचा साथीदार हे आज सकाळी पाचोरा येथून आय.टी.आय. ला जात असतांना एका भरधाव ट्रकने त्यांच्या दुचाकीला जोरदार धडक दिली. यात मनोज याचा दुर्दैवी मृत्यू झाला तर सोबत असलेला गंभीर जखमी झाला आहे.
अतिशय मनमिळावू व सुस्वभावी मनोजच्या निधनाने त्याचे कुटूंब आणि मित्र वर्गात अतिशय प्रिय होता. त्याच्या अकस्मात मृत्यूमुळे परिसरात हळहळ व्यक्त होत आहे
