जळगाव (प्रतिनिधी ) : येथील एमआयडीसीमधील मयुरेश गारमेंटमधील शिलाई मशीन कर्मचारी परवेशकुमार उर्फ पिंटू गौड ( वय 34) याने गळफास घेऊन आत्महत्या केल्याची घटना आज सकाळी उघडकीस आली. आत्महत्या मागील कारण अद्यापही कळू शकले नाही.
परवेशकुमार उर्फ पिंटू गौड हा गेल्या 1 वर्षापासून मयुरेश गारमेंट कंपनीत कपडे शिलाई मशीनवर काम करत होता. आज सकाळी नेहमीप्रमाणे कंपनीत काम करणारे कर्मचारी आले असता आतून कुलूप होते. नंतर कर्मचाऱ्यानी बाजूचे प्लायवूड तोडून बघितले असता कंपनीच्या शिलाई मशीनसमोरील पंख्याखाली परवेशकुमार यांने गळफास घेतल्याचे निदर्शनात आले कर्मचाऱ्यांनी कंपनीच्या संचालिका कीर्ती वारके यांना फोनद्वारे कळविल्यानंतर त्यांनी एमआयडीसी पोलिसांना कळविले पोलिसांनी मुर्तदेह खाली उतरून शासकीय रुग्णालयात शवविच्छेदनसाठी पाठविला आहे. त्याचे नातेवाईक उत्तरप्रदेशमधून निघाले आहे. आत्महत्या का केली अद्याप कारण स्पष्ट कळू शकले नाही. पिंटूच्या पश्चात पत्नी, चार मुले, 1 मुलगी भाऊ, बहीण असा परिवार आहे. याबाबत जळगाव एमआयडीसी पोलीस पुढील तपास करीत आहे.
