यावल प्रतिनिधी । तालुक्यातील किनगाव येथे १४ वर्षीय मुलीने गळफास घेऊन आत्महत्या केल्याची घटना आज दुपारी घडली. त्रिशिला अडकमोल असे मृत मुलीचे नाव असून ती नववीच्या वर्गात शिकत होती. दरम्यान, यावल पोलिसात अकस्मात मृत्युची नोंद करण्यात आली आहे.
या संदर्भात असे की, किनगाव ग्रामपंचायतीचे उपसरपंच शरद अडकमोल यांची अल्पवयीन मुलगी त्रिशिला अडकमोल हिने घरात एकटीच असताना आज दुपारी गळफास घेऊन आत्महत्या केली. ती बऱ्याच वेळेने बाहेर दिसली नाही हे पाहुन शेजारी राहणाऱ्या तिला आवाज दिला मात्र तिने प्रतिसाद न दिल्याने घराचा दरवाजा आतुन बंद केला असल्याने ग्रामस्थांनी भिंतीवरून घरात उडी घेतली. त्यावेळेस त्रिशिला ही घरातील छतास गळफास घेवुन मृत अवस्थेत आढळुन आली.
दरम्यान या संदर्भात यावल पोलीसात खबर दिल्याने अकस्मात मृत्युची नोंद करण्यात आली. तपास पोलीस उप निरिक्षक जितेन्द्र खैरनार यांच्या मार्गदर्शनाखाली सहाय्यक फौजदार विजय पाचपोळे हे करीत आहे.
