जळगाव प्रतिनिधी : घरात कुणीही नसताना एका तरुणाने गळफास घेऊन आत्महत्या केली. ही घटना तालुक्यातील भादली येथे घडली असून अमिल बन्ने खान (रा. सिहोर मध्यप्रदेश ह.मु. भादली) असे आत्महत्या केलेल्या तरुणाचे नाव आहे. दरम्यान आत्महत्येमागील कारण अद्यापही कळू शकले नाही. याबाबत नशिराबाद पोलीस ठाण्यात अकस्मात मृत्यूची नोंद करण्यात आली आहे.
अमिल हो मोलमजूरी करून आपल्या कुटुंबियांचा उदरनिर्वाह करत होता. २९ रोजी सकाळी अमिलचे आई-वडील खासगी कामाच्या निमित्ताने मालेगाव येथे गेले होते. त्यावेळी अमिल हा घरात एकटाच होता. दरम्यान घरी एकटा असल्यामुळे राहत्या घरात दोरीने गळफास घेवून आत्महत्या केली. हा प्रकार शेजारच्यांच्या लक्षात आला. आत्महत्या करण्याचे नेमके कारण कळू शकले नाही. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे.
