अल्पवयीन मुलीने लहान बाळाला घरातच जन्म दिल्यानंतर महाबळेश्वर परिसरात राहणाऱ्या एका अल्पवयीन वर अत्याचार झाल्याची धक्कादायक घटना उघडकीस आली असून या प्रकरणी 11 जणांविरुद्ध गुन्हा दाखल करण्यात आला आहे.
काही दिवसांपूर्वी मुलीने जन्म दिल्यामुळे सर्वत्र खळबळ उडाली होती. पोलीस तपासा दरम्यान या अल्पवयीन मुलीवर लैंगिक अत्याचार झाल्याचे समोर आले आहे . या प्रकरणी पोलिसांनी तात्काळ कारवाई करत दोन मुख्य आरोपींसह नऊ जणांवर पॉस्को कायद्याअंतर्गत गुन्हा दाखल केला आहे. यात महाबळेश्वर नगरपरिषदेचे माजी नगराध्यक्ष डी.एम.बावळेकर यांच्या सात्विक आणि योगेश या दोन मुलांचाही आरोपींमध्ये समावेश आहे.
या प्रकरणात आतापर्यंत महाबळेश्वर पोलिसांनी मुख्य आरोपी सागर गायकवाड, आशुतोष बिरामणे, संजयकुमार जंगम, घनश्याम फरांदे, प्रभाकर हिरवे यांना अटक केली असून इतर आरोपींना अटक करण्यासाठी पथके रवाना केली आहेत.
आरोपी सागर गायकवाड आणि आशुतोष बिरामणे यांनी या मुलीवर लैंगिक अत्याचार करत केले, ज्यातून ही मुलगी गर्भवती राहिली. या मुलीची काही दिवसांपूर्वी घरातच प्रसुती करण्यात आली, त्यावेळी तिने एका लहान मुलीला जन्म दिला. याबाबत वाईच्या उपविभागीय पोलिस अधिकारी डॉ. शीतल जानवे खराडे यांना याबाबत माहिती मिळताच तत्काळ त्यांनी घटनास्थळी भेट देली. संबंधित अल्पवयीन मुलगी व कुटुंबियांना विश्वासात घेत माहिती घेतली.
पीडित कुटुंबियांनी तक्रार देऊ नये, यासाठी संबंधित संशयितांनी धमकी दिल्याचे सांगितल्यामुळे पीडित कुटुंब तक्रार देण्यास पुढे येत नव्हते. पण पोलीस उप विभागीय अधिकारी डॉ. शीतल जानवे यांनी विश्वासात घेत तपास सुरू केला संशयितांना ताब्यात घेतले. त्यानंतर महाबळेश्वर पोलिस ठाण्यात संबंधितांविरोधात गुन्हा दाखल करण्यात आला. या प्रकरणात धमकावल्या व मदत केल्याप्रकरणी आणखी ११ जणांना अटक केली.
जन्मलेल्या मुलीला कायदेशीर प्रक्रिया न करताच दिले दत्तक
पीडित मुलीने जन्म दिलेल्या बाळाला कुठलीच कायदेशीर प्रक्रिया पुर्ण न करताच दत्तक दिले. मुंबईतील चौरसिया कुटुंबाकडे नवजात बालकास सोपवण्यात आले. या कुटुंबाला नवजात मुलगी सोपवण्यात माजी नगराध्यक्ष बावळेकर यांच्या दोन मुलांचा सहभाग असल्याचे समोर आल्यामुळे त्यांच्यावरही अत्याचार आणि आरोपीला पाठबळ दिल्याचा आरोप करत गुन्हा दाखल करण्यात आला आहे.
