मुंबई,(प्रतिनिधी)- मुंबई सारख्या शहरात महिलेवर बलात्कार करण्यात आल्याची संतापजनक घटना उघडकीस आली असून नराधमांनी आधी बलात्कार केला आणि नंतर नराधम आरोपींनी महिलेच्या गुप्तांगात रॉड घुसवून जखमी करत अमानवीय कृत्य केल्याची प्राथमिक माहिती समोर येत आहे.महिला रक्ताच्या थारोळ्यात आढळून आल्यानंतर पोलिसांनी तात्काळ महिलेला उपचारासाठी रुग्णालयात दाखल केले आहे. दरम्यान याप्रकरणी पोलिसांनी एका संशयित आरोपीला अटक केली असून आणखी काही आरोपी या गुन्ह्यात सहभागी असल्याचा पोलिसांना संशय आहे.
मुंबईतील साकीनाका परिसरात मध्यरात्री ही घटना घडल्याची माहिती आहे. या महिलेवर सध्या उपचार सुरू आहेत. मात्र मोठी इजा झाल्याने महिलेची प्रकृती गंभीर असल्याचे समजते.दरम्यान, घडलेल्या या धक्कादायक घटनेनं राज्यभरात तीव्र संताप व्यक्त करण्यात येत आहे.
