मुंबई : कच्च्या तेलाच्या किमतीत पुन्हा एकदा वाढ झाल्यानंतर पेट्रोलियम कंपन्यांनी आज बुधवारी इंधन दर स्थिर ठेवले आहेत. मंगळवारी कंपन्यांनी पेट्रोल आणि डिझेल दरात प्रत्येकी १५ पैशांची कपात केली होती. आज बुधवारी कंपन्यांनी इंधन दर स्थिर ठेवले आहेत.
दरम्यान, आज जळगावात एक लीटर पेट्रोलचा भाव १०८.३८ रुपये आहे तर डिझेलचा भाव ९५.८५ रुपये इतका झाला आहे. मुंबईत एक लीटर पेट्रोलचा भाव १०७.५२ रुपये आहे. आज दिल्लीत पेट्रोल १०१.४९ रुपये झाला आहे. चेन्नईत पेट्रोलचा भाव ९९.२० रुपये इतका आहे. कोलकात्यात एक लीटर पेट्रोल १०१.८२ रुपये झाला आहे. भोपाळमध्ये साध्या पेट्रोलचा भाव १०९.९१ रुप्यानापर्यंत खाली आला आहे. बंगळुरात पेट्रोल १०४.९८ रुपये झाले आहे.
आज देशभरात डिझेलचा भाव स्थिर आहे. मुंबईत डिझेलचा भाव ९६.४८ रुपये आहे. दिल्लीत डिझेल ८८.९२ रुपये आहे. चेन्नईत ९३.५२ रुपये आणि कोलकात्यात डिझेलचा भाव ९१.९८ रुपये प्रती लीटर इतका आहे. भोपाळमध्ये डिझेलचा भाव ९७.७२ रुपये असून बंगळुरात डिझेल ९४.३४ रुपये आहे.
गेल्या आठवड्यात जागतिक कमॉडिटी बाजारात कच्च्या तेलाच्या किमतीत ७ टक्के घसरण झाली होती. मात्र सोमवारी तेलाची मागणी वाढली. ब्रेंट क्रूडचा भाव ३.३९ डॉलरची वाढ झाली. मंगळवारी देखील ही तेजी कायम राहिली. मंगळवारी कच्च्या तेलाचा भाव २.४८ डॉलरने वधारला आणि तो ७१.०५ डॉलर प्रती बॅरल झाला. डब्ल्यूटीआय क्रूडचा भाव २.०८ डॉलरने वधारून ६७.५४ डॉलर प्रती बॅरल झाला.
