भुसावळ : भुसावळ डीआरएम कार्यालयातील मंडळ अभियंता (विशेष कार्य, वर्ग- 1) एम.एल.गुप्ता व ओ.एस.संजय रडे यांना दोन लाख 40 हजारांची लाच घेताना नागपूर सीबीआयच्या पथकाने रंगेहाथ अटक केली.
नागपूर सीबीआयच्या तब्बल 18 जणांच्या पथकाने सोमवार, 16 ऑगस्ट रोजी दुपारी 12.30 वाजेच्या सुमारास डीआरएम कार्यालयातील अधिकार्यांच्या दालनातच लाच घेताना अधिकार्यांना अटक केल्याने लाचखोरा अधिकार्यांच्या गोटात प्रचंड खळबळ उडाली आहे.
नागपूर सीबीआयचे उपअधीक्षक एस.आर.चौगुले व उपअधीक्षक दिनेश तळपे या अधिकार्यांच्या नेतृत्वात हा सापळा यशस्वी करण्यात आला. गुप्ता यांनी दोन लाख तर रडे यांनी 40 हजारांची लाच स्वीकारल्याचे अधिकृत सूत्रांनी सांगितले.
दरम्यान, दोघा अधिकार्यांच्या घराची सीबीआयकडून झडती सुरू असून त्यात काय सापडले याबाबत माहिती कळू शकली नाही.
