जळगाव, (प्रतिनिधी) – आज जळगाव जिल्ह्यातील एकूण 20 कोरोना संशयित व्यक्तीचे नमुना तपासणी अहवाल प्राप्त झाले आहे. सर्व व्यक्तींचे तपासणी अहवाल निगेटिव्ह आले आहेत.
या अहवालात पारोळा येथील 14 व्यक्ती, पाचोरा येथील 4 व्यक्ती, जामनेर व जळगाव येथील प्रत्येकी एका व्यक्तीचा समावेश आहे.
जळगाव जिल्ह्यातील कोरोना बाधितांची संख्या दिवसेंदिवस दिवस वाढत असल्याने प्रशासनाच्या व जळगाव जिल्हा वासियांच्या चिंतेत वाढ होत आहे. नुकत्याच प्राप्त माहितीनुसार अमळनेर तालुक्यातील मुंगसे गावातील पहिली कोरोना बाधित महिला रुग्ण आज बरी होऊन अर्थात कोरोना मुक्त होऊन घरी गेली आहे. त्यामुळं कोरोना विषाणूला घेऊन नागरिकांनी मनात भीती बाळगू नये मात्र काळजी म्हणून प्रशासनाने वेळोवेळी दिलेले सूचना पाळून प्रशासनास सहकार्य करा व घरात राहून सुरक्षित राहा असे आवाहन दैनिक नजरकैद तर्फे करण्यात येत आहे.
