जळगाव प्रतिनिधी:- तालुक्यातील नांद्रा बुद्रुक येथे लॉकडाऊनमध्ये सर्व बंद असताना गावात बेधडकपणे गावठी दारूची सर्रास विक्री सुरू असून आज गावातील महिलांनी दारुबंदीविरोधात एल्गार पुकारत पोलीस प्रशासनाला दारू विक्री बंद करण्याबाबत निवेदन दिले.
यावेळी पीएसआय तडवी यांना निवेदन देऊन महिलांनी आपला रोष व्यक्त केला. यावेळी पोलीस स्टेशनच्या प्रांगणात तडवी यांना महिलांनी घेराव घातला होता. जोपर्यंत दारू विक्रेत्यांविरोधात कारवाई होत नाही तोपर्यंत आम्ही तुम्हाला जाऊ देणार नाही असा पवित्राचं महिलांनी घेतला होता. यावेळी पीएसआय तडवी व त्यांच्या सहकाऱ्यांनी पत्रकारांना व्हिडीओ शूटिंग आणि चित्रफीत काढण्यास मज्जाव केला. तसेच गावातील महिला व नागरिक मोठ्या संख्येने उपस्थित होते. यावेळी तडवी यांनी संबंधितांवर कारवाई करण्याचे आश्वासन देण्यात आले.
