जळगाव : पाचोरा तालुक्यातील दहीगाव संत येथील एका २२ वर्षीय युवकाने धावत्या रेल्वेखाली आत्महत्या केल्याची घटना आज मानलंगावरी म्हसावद ते माहेजी दरम्यानच्या रेल्वे अप लाईनवर घडली. सागर गणेश खडसे (वय- २२, रा. दहीगाव संत ता.पाचोरा) असे आत्महत्या केलेल्या तरुणाचे नाव आहे.
आज सकाळी साडेआठ वाजेपुर्वी घडलेल्या या घटनेबाबत रेल्वे स्टेशन मास्टर यांनी दिलेल्या खबरीनुसार एमआयडीसी पोलिस स्टेशनला अकस्मात मृत्यूची नोंद घेण्यात आली आहे.
सागर खडसे या तरूणाने म्हसावद ते माहेजी रेल्वे अपलाईन खंबा क्रमांक ३९४/११-१२ दरम्यान धावत्या रेल्वेखाली झोकून आत्महत्या केल्याची घटना आज सकाळी ८.३० वाजेच्या सुमारास उघडकीला आली. आत्महत्येचे नेमके कारण कळू शकले नाही. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
