जळगाव : सोन्याच्या दागिन्यांवर ‘हॉलमार्क’ची सक्ती करण्याच्या केंद्र सरकारच्या निर्णयाविरोधात जळगाव जिल्ह्यातील सराफा व्यावसायिकांनी लाक्षणिक बंद पुकारला आहे.
जळगाव शहरातील १५० तर जिल्ह्यातील सुमारे २ हजार सराफ व्यावसायिक या बंदमध्ये सहभागी झाले आहेत. यामुळे आज जिल्ह्यातील कोट्यवधी रुपयांची सुवर्ण बाजारातील उलाढाल ठप्प झाली. जळगाव जिल्ह्यात सराफ असोसिएशनचे अध्यक्ष गौतम लुनिया, उपाध्यक्ष अजय ललवाणी व सचिव स्वरुप लुकंड यांच्या नेतृत्वाखाली हा बंद पुकारण्यात आला.
सुवर्ण अलंकार यासाठी आता हॉलमार्क युनिक आयडेंटिफिकेशन नंबरची सक्ती विरोधात देशभरात बंद पुकारला आहे. हॉलमार्क युनिक आयडेंटिफिकेशन नंबरची सक्ती ही करण्यात येऊ नये; अशी मागणी सराफ व्यवसायिकांची आहे. हूडनुसार सुवर्ण व्यावसायिकांकडे जितके अलंकार सोने– चांदी आहे. त्यांची नोंद ठेवावी लागणार आहे. त्यापेक्षा जास्त वस्तू सापडल्यास संबंधितांवर कारवाई केली जाऊ शकते. याच पार्श्वभूमीवर सराफा असोसिएशनचे बंद पुकारला आहे.
जळगाव जिल्ह्यात सध्या ३ हॉलमार्किंग सेंटर्स आहेत. ते सर्व जिल्ह्याच्या ठिकाणी आहेत. जिल्ह्यातील १५ तालुक्यातील सराफांना दागिन्यांवरील हॉलमार्किंगसाठी याठिकाणी यावे लागते. लाखो रुपयांचे सोन्याचे अलंकार आणताना जोखीम पत्करावी लागते. सराफांच्या सुरक्षेचा सरकारने विचार केलेला नाही.
