पालकांनो सावधान…तुम्ही आपल्या मुलांना स्मार्ट फोन दिला आहे किंवा घरातील तुमचा स्मार्ट मोबाईल फोन तुमच्या मुलांजवळ जास्त वेळ राहत आहे तर ही बातमी तुमच्यासाठी महत्वाची आहे. आपल्या पाल्यांजवळ असलेल्या मोबाईल मध्ये मुलं नेमकं काय पाहता किंवा मोबाईल मध्ये कोणता गेम खेळता यावर कटाक्षाने आपली नजर असणं आवश्यक आहे कारण गेल्या काही दिवसांमध्ये मोबाईल मधील जीवघेण्या गेम मुळे अनेकांकांचे जीव गेल्याची धक्कादायक घटना आपण पहिल्या आहेत अशीच एक घटना मथुरा येथे शनिवारी सकाळी फिरायला गेलेल्या मोबाईलमध्ये ‘पबजी गेम’ खेळताना ट्रेनने धडक दिली. यामुळे दोघांचा मृत्यू झाला. त्यांनीकानात हेडफोन घातले होते, तर एका मोबाईलमध्ये पबजी गेम चालू असल्याचे आढळून आले आहे.
प्राप्त माहितीनुसार लक्ष्मीनगरजवळील सीएनजी पंपाच्या मागे जाणाऱ्या मथुरा-कासगंज रेल्वे मार्गावर दोघांचे मृतदेह पडलेले आढळून आले.
मृतांच्या जवळ सापडलेल्या मोबाईलवरून कपिल (१८) आणि गौरव (१६, रा. कालिंदी कुंज कॉलनी, जमुनापार) अशी त्यांची नावे आहेत. दोघेही सकाळी फिरायला यायचे.दोघेही पबजी गेम खेळण्यात इतके गुंग होते की मागून येणारी रेल्वेचा आवाज त्यांना आला नसावा, रेल्वेची धडक बसल्याने त्यांचा मृत्यू झाला.
पोलिसांनी दिलेल्या माहितीनुसार, दोघेही एकाच कॉलनीतील रहिवासी आहे, दोघांच्या मृतदेहाजवळ त्यांचे मोबाईल सापडले आहेत. त्यापैकी एकजण त्याच्या मोबाईलवर ऑनलाइन पबजी गेम चालवत होता. पबजी गेम खेळत असताना दोघेही ट्रेनला धडकले असण्याची शक्यता आहे. घटनेचा तपास करण्यात येत आहे.
