जळगाव : जळगाव जिल्हा बँक निवडणुकीत एकनाथ खडसेंनी विश्वासघात केल्याचा आरोप करत गिरीश महाजन यांनी माघार घेतली होती. त्यानंतर बँकेवर एकनाथ खडसे यांच्या नेतृत्वात महाविकास आघाडीचा विजय झाला. तेव्हापासून एकनाथ खडसे आणि गिरीश महाजन यांच्यात चांगलीच जुंपली आहे.
दरम्यान, काल जळगावमधील एका कार्यक्रमात बोलताना एकनाथ खडसे यांनी महाजनांना उद्देशून एक शेर मारला. हम तो शेर पर एहसान किया करते है, हम चुहे पे कभी एहसान नही करते, तुम्हारे जैसे दुसरो के पर हम नही काटते. असा टोमना या शेर मधून नाथाभाऊंनी गिरीश महाजनांना मारला आहे. त्यानंतर उपस्थितांतून प्रचंड टाळ्यांचा कडकडाट झाला.
राष्ट्रवादी काँग्रेसमध्ये आलेले जळगावातील ज्येष्ठ नेते एकनाथ खडसे यांच्या नेतृत्त्वात महाविकास आघाडीने जिल्हा बँकेवर सत्ता स्थापन केली आहे. भाजप नेते गिरीश महाजन यांनी देखील निवडणुकीसाठी जोरदार तयारी केली होती. मात्र ऐन वेळी भाजपने माघार घेतली.
