नवी दिल्ली : ओमिक्रॉनच्या पार्श्वभूमीवर मागील काही आठवडे सोने आणि चांदीचे भाव तेजीत दिसून आले. दरम्यान, आज सोन्याचा भावात ५९ रुपयांनी तर चांदीमध्ये ८३७ रुपयांची घसरण झाली आहे. या आठवड्यात सोन्याचे दर प्रति तोळा 48 हजारांच्या आसपास राहिले, तर चांदीचा भाव प्रति किलो 61 हजारांवर पोहोचला.
आठड्याच्या सुरुवातीला सोन्याचे दर प्रति तोळा 47875 रुपये एवढे होते. त्यानंतर दरामध्ये घसरण होऊन, आठवड्याच्या शेवटच्या दिवशी म्हणजे शुक्रवारी सोन्याचे भाव प्रति तोळा 47816 रुपयांवर पोहोचले. सोन्याची किंमत आठवडाभरता 59 रुपयांनी कमी झाली आहे. तर दुसरीकडे आठवड्याच्या सुरुवातीला सोमवारी चांदीचे दर प्रति किलो 61 हजार रुपये होते. शुक्रवारपर्यंत त्यामध्ये 837 रुपयांची घसरण झाली आहे. शुक्रवारी सकाळच्या तुलनेमध्ये संध्याकाळी सोन्याच्या दरामध्ये आणखी घसरण झाली.
शुक्रवारी सकाळी सोन्याचा दर 47836 रुपये इतका होता, त्यामध्ये घट होऊन संध्याकाळी तो 47816 वर पोहोचला. मात्र दुसरीकडे शुक्रवारी संध्याकाळी चांदीच्या दरात थोडी तेजी पहायला मिळाली. शुक्रवारी सकाळी चांदीचे दर 60094 रुपये प्रति किलो होते. सध्यांकाळी भावामध्ये वाढ होऊन ते प्रति किलो 60155 वर पोहोचले आहेत. दरम्यान पुढील आठवड्यात सोन्या-चांदीचे भाव आणखी कमी होऊ शकतात असा अंदाज तज्ज्ञांकडून वर्तवण्यात येत आहे.
