जळगाव-आयटीईआर या आंतरराष्ट्रीय संस्थेने ‘सन ऑफ अर्थ’ या वैश्विक प्रकल्पाची उभारणी भारतासह सात देशांच्या मदतीने सुरू केली आहे. या प्रकल्पात जळगावच्या मास-टेक कंट्रोल प्रा. लिमिटेड या कंपनीचा सहभाग असून, प्रकल्पासाठी लागणार्या पॅनलची निर्मिती कंपनीने जळगावात केली आहे. यामुळे खान्देशासह जिल्ह्याच्या शिरपेचात हा मानाचा तुरा खोवला गेला आहे.
ऊर्जा निर्मिती करीत असताना प्रदूषण आणि निर्माण होणारे धोके लक्षात घेता ‘सन ऑफ अर्थ’ म्हणजेच पृथ्वीवरील सूर्य हि संकल्पना भारत, रशिया, युएसए, दक्षिण कोरिया, चीन, जपान, युरोपियन युनियन या देशातील शास्त्रज्ञांनी मांडली. हा प्रकल्प अंतरराष्ट्रीय थर्मोनुक्लीयर प्रायोगिक अणुभट्टी (आयटीईआर) या संस्थेमार्फत सुरू असून 29 बिलियन डॉलरचा हा प्रकल्प आहे. भारतातील एल अँड टी या कंपनीसोबत जळगावच्या मासटेक कंट्रोल प्रा. लिमिटेडचा यात सहभाग आहे. प्रकल्पात हायड्रोजन अणूंच्या संयोजनातून निर्माण होणारे तापमान सूर्यासमान असेल. कंपनीचे चेअरमन सुभाष नारायण पाटील आणि अधिकारी, तंत्रज्ञ यांनी या पॅनलची निर्मिती केली आहे.
