संचारबंदीच्या काळात दुकानात निघाले तब्बल २५० ग्राहक ; पालिकेकडून दुकान सील

शॉपिंग मॉलमध्ये जाण्यासाठी चोरटा मार्ग तयार करण्यात आला असल्याने,अधिकार्यांनी या प्रकरणी चौकशीसाठी दुकातानातील सीसीटीव्ही फुटेज ताब्यात घेतले आहे.दुकानात मोठ्या प्रमाणात झालेली गर्दी कोरोनाला आयते आमंत्रण देण्यासारखे असून,सदरील ठिकाण सुपर स्प्रेडर ठरत असल्याची प्रतिक्रिया मुख्याधिकारी रवींद्र लांडे यांनी ‘नजरकैद’ शी बोलताना दिली आहे.

सकाळी ११ वाजेपासून संचारबंदी सुरु झाल्यावर,यादुकानात गर्दी असल्याची माहिती पालिका प्रशासनाला प्राप्त झाल्यावर पथकाच्या तपासणीत तब्बल २५० ग्राहक मिळून आल्याने,एकच खळबळ उडाली आहे.घटनेची माहिती पथकाने मुख्याधिकारी रवींद्र लांडे यांना दिल्यावर ते तातडीने या ठिकाणी हजर झाले.

त्यांच्या नंतर घटनेचे गांभीर्य लक्षात घेवून तहसीलदार उषाराणी देवगुणे,पोलीस निरीक्षक रामदास वाकोडे देखील या ठिकाणी हजर झाले.दुकानातील सर्व महिला व पुरुष अशा २५० ग्राहकांना बाहेर काढण्यात आले.या नंतर दुकानातील सीसीटीव्ही फुटेज ताब्यात घेऊन,दुकान सील करण्याची कारवाई करण्यात आली आहे.याबाबत कायदेशीर दंडात्मक कारवाई करणार असल्याची प्रतिक्रिया पोलीस निरीक्षक रामदास वाकोडे यांनी दिली.

कारवाई वेळी अधिकारी दुकानात पोहचल्यावर दुकान मालकाने मै लोगोके लिये दुकान चालू किया था अशी गर्विष्ठ भाषा वापरून अधिकाऱ्याचा अपमान केला, यावेळी पोलीस कर्मचारी भागवत धांडे यांनी मालकाचा यावर खरपूस समाचार घेतला.