रावेर,(भागवत महाजन) – तालुक्यातील आज अहिरवाडी गावच्या ग्रामस्थांचे फोन येताच व दैनिक वर्तमानपत्र मध्ये अहिरवाडी वाघोड गावाच्या विजेची बातमी कळताच अनिलभाऊ चौधरी यांनी विजवितरणच्या कार्यालयात जावून सदर प्रश्न व अडचणी बाबत अभियंता श्री प्रभुचरण चौधरी यांच्यासोबत संपूर्ण चर्चा केली तेव्हाच अनिलभाऊ चौधरी यांना विजवितरण च्या साहेबांना याबाबत कायमचा तोडगा काढण्याच्या सुचना दिल्या अन्यथा आमरण उपोषण करण्याचा इशारा महावितरणला दिला आहे .
तेव्हाच साहेबांनी भाऊंचा शब्द पाळला व येत्या 10 ते 12 दिवसात अहिरवाडी,कर्जोद,वाघोड गावठाण चे कनेक्शन मोहगण फिडर वरून कायमचा प्रश्न सोडवण्यात येईल हे सांगितले.
तसेच अनिलभाऊ चौधरी यांनी पातोंडी नविन सबस्टेशन लवकरात लवकर तयार करण्यासंदर्भात सुचना करून तालुक्यातील सर्व शेती शिवार व गाठाण भागाचा प्रस्ताव लवकरच पाठण्याबाबत पुर्ण चर्चा केली. अहिरवाडी गावच्या काही ग्रामस्थांच्या डिमांडनोट पण प्रश्न मार्गी लावला.जो पर्यंत अहिरवाडी,वाघोड व कर्जोद गावच्या फिडर वेगळे होई पर्यंत पाठपुरावा होईल हे अनिलभाऊ चौधरीनीं निक्शून सांगितले सोबत अहिरवाडी, कर्जोद, वाघोड येथील ग्रामस्थ शेतकरी बांधव उपस्थित होते.
