मुंबई : सध्या देशासह महाराष्ट्राला अवकाळी पावसाने झोडपून काढलं आहे. यामुळे शेती पिकांचे अतोनात नुकसान झाल्याने शेतकरी हवालदिल झाला आहे.शेतकऱ्यांसमोर जगायचं कसं हा प्रश्न आहे.परंतु शेतकऱ्यांच्या अडचणी ओळखून पीएम पीक विमा योजना सुरू करण्यात आली आहे. जर का शेतकऱ्यांच्या पिकाचं नुकसान झालं तर त्यांना या योजने मार्फत क्लेम करता येतो.
या योजनेत अगदी कमी पैसे भरून शेतकऱ्याला आपल्या पिकाचा विमा उतरवायचा असतो. विमा उतरवलेल्या पिकाचं नुकसान झालं तर विमा कंपनी त्याच्या नुकसानीची भरपाई देते. सुरुवातीला सरकारने बँकांकडून कर्ज घेणाऱ्या शेतकऱ्यांना त्यांच्या पिकांचा विमा उतरवणे बंधनकारक केले होते.
आता शेतकऱ्याच्या इच्छेवर अवलंबून आहे की त्याने आपल्या पिकाचा विमा काढावा की नाही. बहुतांश शेतकरी त्यांच्या पिकांचा विमा काढतात. शेतकऱ्यांना पिकांच्या नुकसानीची भरपाई कशी मिळते ते समजून घेऊया?
पीएम किसान पीक विमा योजनेंतर्गत पीक विमा काढणे खूप सोपे आहे. ज्या शेतकऱ्यांनी किसान क्रेडिट कार्ड तयार केलं आहे. इतर कोणतेही कृषी कर्ज घेतले आहे ते त्याच बँकेतून त्यांच्या पिकांचा विमा काढू शकतात. शेतकऱ्यांना बँकेत एक फॉर्म भरावा लागतो.
बँकेकडे शेतकऱ्याची जमीन आणि इतर कागदपत्रे असल्याने विमा सहज होतो. ज्या शेतकऱ्यांनी कर्ज घेतलेले नाही ते कोणत्याही बँकेकडून हा विमा घेऊ शकतात. प्रत्येक जिल्ह्यात शासनाने एक किंवा अधिक विमा कंपन्यांना पीक विमा करण्याचे अधिकार दिले आहेत.
आधारकार्ड, जमिनीशी संबंधित कागदपत्रे, शेतात पेरलेल्या पिकाचा तपशील आणि बँकेतील मतदार कार्ड असे ओळखपत्र घेऊन शेतकरी पीक विमा काढू शकतो. ३३ टक्के शेतीचं नुकसान झालं तर शेतकऱ्यांना पिक विम्यासाठी अर्ज करता येतो. याशिवाय पुढील नंबरवर शेतकरी नुकसान भरपाईबाबत आणि पीक खराब झाल्याची माहिती देऊ शकतात.
अॅग्रिकल्चर इन्शुरन्स कंपनी ऑफ इंडिया लिमिटेडचा टोल फ्री क्रमांक – 18004196116
SBI जनरल इन्शुरन्स कंपनीचा टोल फ्री क्रमांक – 18002091111
रिलायन्स जनरल इन्शुरन्स कंपनी लिमिटेड टोल फ्री क्रमांक – 18001024088
फ्यूचर जनरल इंडिया इन्शुरन्स कंपनी लिमिटेडचा टोल फ्री क्रमांक – 18002664141
बजाज अलियान्झ जनरल इन्शुरन्स कंपनी लिमिटेड – 18002095959
एचडीएफसी अॅग्रो जनरल इन्शुरन्स कंपनी – 18002660700
