मुंबई : अमेरिकेतील कोणत्याही आर्थिक हालचालींचा थेट परिणाम भारतीय बाजारांवर होतो. मग ते व्याजदरात वाढ असो किंवा फेड रिझर्व्हचे कोणतेही पाऊल असो. आता यूएस बँकिंग क्षेत्रातील संकटाचा नकारात्मक परिणाम देशांतर्गत शेअर बाजारावर दिसू लागला आहे. आज सेन्सेक्स-निफ्टीत मोठी घसरण झालीय. सेन्सेक्स 897.28 अंकांच्या घसरणीसह 58,237.85 अंकांवर स्थिरावला. तर, राष्ट्रीय शेअर बाजाराचा निर्देशांक निफ्टी 258.60 अंकांच्या घसरणीसह 17,154.30 अंकांवर बंद झाला.
अमेरिकेतील बँकिंग क्षेत्रात झालेल्या घडामोडीच्या परिणामी आज बाजाराची सुरुवात घसरणीसह होईल असा अंदाज व्यक्त करण्यात येत होता. मात्र, त्याच्या उलट बाजारात तेजीसह सुरुवात झाली. मात्र, दुपारच्या सुमाराम नफावसुलीचा जोर वाढू लागल्याने बाजारात पडझड झाली.
हे पण वाचा..
आज सोनं 1079 रुपयांनी तर चांदी 1639 रुपयांनी वाधरली, खरेदीपूर्वी तपासून घ्या ताजे दर
लग्नाचे आमिष देऊन तरुणीवर केला दोन वर्ष अत्याचार ; गर्भवती राहिल्यानंतर… जळगावातील धक्कादायक घटना
मुख्यमंत्र्यांची मोठी घोषणा..कांदा उत्पादक शेतकऱ्यांना प्रति क्विंटल ‘एवढे’ सानुग्रह अनुदान
मुंबई शेअर बाजारात सूचीबद्ध असलेल्या कंपन्यांपैकी 772 कंपन्यांच्या शेअर दरात तेजी दिसून आली. तर, 2834 कंपन्यांच्या शेअर दरात घसरण दिसून आली. 154 कंपन्यांच्या शेअर दरात कोणताही बदल झाला नाही. डॉलरच्या तुलनेत आज रुपयात 8 पैशांची घसरण झाली. रुपया आज 82.12 वर स्थिरावला. सेन्सेक्समधील 30 पैकी फक्त एकाच कंपनीच्या शेअर दरात तेजी दिसून आली. तर, निफ्टी 50 पैकी 45 कंपन्यांचे शेअर दर घसरले असून 4 कंपन्यांचे शेअर दर वधारले. एका कंपनीच्या शेअर दरात कोणताही बदल झाला नाही.
गुंतवणुकदारांचे नुकसान
गेल्या तीन ट्रेडिंग सत्रांमध्ये शेअर बाजारातील गुंतवणूकदारांचे सुमारे 6.6 लाख कोटींचे नुकसान झाले असून या दरम्यान, सेन्सेक्स 2000 हून अधिक अंकांनी घसरला आहे. केवळ सोमवारीच गुंतवणूकदारांचे सुमारे चार लाख रुपयांचे नुकसान झाले आहे. सोमवारच्या ट्रेडिंग सत्रात बीएसईवर सूचीबद्ध कंपन्यांचे मार्केट कॅप २५८.९५ लाख कोटी रुपयांवर घसरले. गेल्या शुक्रवारी ते २६२ लाख कोटी रुपये होते.
