शिंदे इंटरनॅशनल स्कुल मध्ये विज्ञान प्रदर्शनास विद्यार्थ्यांचा उस्फुर्त प्रतिसाद

पाचोरा,  दि.२८विद्यार्थ्यांमधील वैज्ञानिक दृष्टिको्न व त्याला अनुसरुन होणा-या कलाकृतींना सादरीकरणाची संधी मिळावी आणि यातून संशोधनाची आवड निर्माण व्हावी, यासाठी तसेच विज्ञान दिनाचे औचित्य साधून पाचोरा शहरातील गिरणाई शिक्षण संस्था संचलित, शिंदे इंटरनॅशनल स्कुल मध्ये, दि. २८ फेब्रुवारी २०२० रोजी “विज्ञान प्रदर्शनाचे” आयोजन करण्यात आलेले होते. सदर प्रदर्शनास विद्यार्थ्यांनी उत्स्फुर्त प्रतिसाद दिला.
संशोधनातून देश प्रगतीच्या वाटेवर चालणे अधिक सोपे होणार आहे. जगाच्या पाठीवर आपले दैनंदिन जीवन अधिकाधिक सुकर करण्यासाठी निरनिराळे शोध संशोधकांकडून लावले जातात. विद्यार्थ्यांनी याचा अभ्यास करुन जनतेला, शेतकऱ्यांना फायदेशीर ठरतील अशा उपकरणांची निर्मिती करावी, असे आवाहन संस्थेचे अध्यक्ष तात्यासाहेब पंडीतराव शिंदे यांनी विद्यार्थ्याना केले. सदर विज्ञान प्रदर्शनात ६०० पेक्षा जास्त विज्ञान प्रकल्प सादर करण्यात आले होते. या वर्षी आरोग्य आणि सुदृढ आरोग्य, संसाधन व्यवस्थापन आणि अ्न्न सुरक्षा, कचरा व्यवस्थापन आणि जलाशयाचे संरक्षण, वाहतूक आणि दळणवळण, डिजिटल व तांत्रिक समाधान, गणितीय प्रतिकृती हे विषय विद्यार्थ्यांना देण्यात आले होते.
सदर प्रदर्शनात काही प्रकल्प खुप क्रांतीकारी होते,- जसे अपघात रोधी यंत्रणा, पंचगव्य निर्मिती, इलेक्ट्रीक पावर कार इत्यादी. कार्यक्रमाचे उद्घाटन संस्थेचे अध्यक्ष तात्यासाहेब पंडीतराव् शिंदे यांच्या हस्ते करण्यात आले. याप्रसंगी संस्थेचे सचिव भैयासो जिवाजीराव काटकर, संस्थेचे उपाध्यक्ष निरज मुणोत, संस्थेचे सहसचिव शिवाजीराव शिंदे, शाळेचे प्राचार्य डॉ. विजय पाटील, डॉ प्रीती मगर, व कै. पी. के. शिंदे हायस्कुलचे मुख्याध्यापक एस व्ही गिते तसेच इतर मान्यवर उपस्थित होते.
कार्यक्रमाचे सुत्र संचालन लक्ष्मणसिंग ठाकुर यांनी केले तर आभार प्रदर्शन चंद्रकांतसिंग परदेशी यांनी केले.परिक्षक म्हणून डी. आर. कोतकर , एस व्ही गिते , सोनाली बोरसे तसेच कार्यक्रम यशस्वी व्हावा यासाठी शाळेतील शिक्षक राकेश गायकवाड, चेतन पाटील, सुधीर गोडसे आदीनी अथक परिश्रम घेतले.
——-@——–