जळगाव, (प्रतिनिधी) – शासकीय वैद्यकीय महाविद्यालयातील रुग्णालयातील शंभर टक्के बेड्सना सेंट्रलाईज ऑक्सिजन पाइपलाइनद्वारे ऑक्सिजन पुरवठ्याची सोय करण्यात येणार असल्याची माहिती जिल्हाधिकारी अभिजित राऊत यांनी आज दिली आहे.यामुळे शंभर टक्के बेड ऑक्सीजन सोयीयुक्त असणारे जळगाव जिल्हा राज्यातील एकमेव जिल्हा असणार आहे.
जिल्ह्यातील कोरोना पॉझिटिव्ह रुग्णांची वाढती संख्या लक्षात घेऊन सेंट्रलाइज ऑक्सीजन पाइपलाइनची व्यवस्था शंभर टक्के करण्याचा निर्णय जिल्हाधिकारी यांनी घेतला असून यामुळे शासकीय वैद्यकीय महाविद्यालयाचे रुपडं पालटणार आहे.
जिल्हाधिकारी यांनी घेतलेल्या या निर्णयामुळे कोरोना रुग्णांना मोठा दिलासा मिळणार आहे. कोरोनामुळे अत्यावस्थ झालेल्या आणि श्वासोच्छ्वासास त्रास वाटणाऱ्या रुग्णांना तातडीने ऑक्सिजनची सोय लागणार आहे. यामुळे त्यांना तत्काळ आॅक्सिजन सुविधेने सुसज्ज बेड उपलब्ध होऊ शकणार आहे.
