मुंबई,(प्रतिनिधी)- राष्ट्रवादी काँग्रेसचे अध्यक्ष शरद पवार यांची प्रकृती रविवारी सायंकाळी अचानक बिघडली. अचानक पोटदुखीचा पवार यांना त्रास सुरू झाल्यामुळे मुंबईतील ब्रीच कँडी रुग्णालयात सर्व तपासण्यात करण्यात आल्यानंतर त्यांना पित्ताशयाचा त्रास झाल्याचे निष्पन्न झाले असून ३१ मार्च रोजी पवार यांच्यावर शस्त्रक्रिया केली जाणार असल्याचे राष्ट्रवादीचे प्रवक्ते नवाब मलिक यांनी ट्विट करुन सांगितले.
डॉक्टरांनी यावेळी त्यांची संपूर्ण तपासणी केली,तपासणीतून त्यांना पित्ताशयाचे निदान झाल्यामुळे शरद पवार यांना पुन्हा ३१ मार्च रोजी रुग्णालयात दाखल करण्यात येणार असून, एण्डोस्कोपी आणि शस्त्रक्रिया केली जाणार असल्याची माहिती नवाब मलिक यांनी दिली आहे.
शरद पवार यांच्या प्रकृतीची आस्थेवाईक पणे चौकशी करण्यासाठी अनेक दिग्गजांनी शरद पवारांशी दूरध्वनी वरून संपर्क केला.
