मुंबई,- राष्ट्रवादीचे अध्यक्ष खा. शरद पवार यांनी काल पत्रकार परिषद घेऊन परमवीर सिंह यांनी मुख्यमंत्री यांना पाठवलेल्या ‘त्या’ पत्रावर अनेक प्रश्न उपस्थित करत गृहमंत्री यांना ‘क्लीन चिट’ देऊन अनिल देशमुख हे दवाखान्यात व विलगीकरणात होते असा दावा केला होता त्यावर भाजप प्रदेशाध्यक्ष चंद्रकांत पाटील यांनी पुन्हा गृहमंत्र्यांच्या विमानप्रवासाचे कागदपत्र ट्विट करुन खळबळ उडवली आहे.
भाजपाचे प्रदेशाध्यक्ष चंद्रकांत पाटील यांनी ट्विट करून म्हटलं आहे की,पवारसाहेब, मी आपल्याला पुन्हा एकदा निवेदन करतो की, अनिल देशमुख यांना पाठीशी घालू नका. आधी तुमचे सरकार वाझेला वाचविण्याचा प्रयत्न करत होते, मग परमबीर सिंग यांचे कौतुक करत होते आणि आता देशमुखांबद्दलही तेच चाललंय. असं सांगत महाराष्ट्राची प्रतिमा अजून मालिन करू नका ! असा सल्लाही दिला आहे.
तत्कालीन पोलीस आयुक्त परमवीर सिंह यांच्या ‘लेटर बॉम्ब’ प्रकरणावरून महाराष्ट्रात राजकीय वातावरण तापलेले असतांना राष्ट्रवादीचे नेते खा. शरद पवार यांनी पत्रकार परिषद घेऊन परमवीर सिंह यांनी मुख्यमंत्री यांना पाठवलेल्या ‘त्या’ पत्रावर अनेक प्रश्न उपस्थित केले होते.
परमवीर सिंह यांनी मुख्यमंत्री उद्धव ठाकरे यांना पाठवलेल्या पत्रात उल्लेख केल्याप्रमाणे ज्या दिवशी सचिन वाझे हे गृहमंत्री देशमुख यांनी भेटण्यासाठी बोलावल्याचा दावा केला परमवीर सिहं यांनी केला आहे त्या दिवशी अनिल देशमुख स्वतः नागपूरच्या एका रुग्णालयात उपचार घेत असून विलगीकरणात होते. त्यावेळी देशमुख यांची तब्बेत बरी नव्हती असा दावा केल्यानंतर लागलीच भाजपनं अनिल देशमुख यांचा 15 तारखेचा पत्रकार परिषदेचा व्हिडीओ ट्विट करुन व्हायरल केला होता.
यानंतर खुद्द गृहमंत्री अनिल देशमुख यांनी दवाखान्यातून डिस्चार्ज घेतल्यानंतर दवाखान्याच्या गेट काही पत्रकार मंडळी उपस्थित होते त्यामुळे मि तिथेच पत्रकार परिषद घेतली असल्याचा खुलासा काल केला होता. आता भाजपनं पुन्हा गृहमंत्री अनिल देशमुख यांचा त्या दिवसाचा विमान प्रवासाचे कागदपत्र ट्विट करुन खळबळ उडवली आहे.
