जामनेर, (प्रतिनिधी) – येथील एका खाजगी शिक्षण संस्थेच्या शिक्षकाने वेतनाचा एक रुपया मिळत नाही …शिक्षण उपसंचालक निर्णय घेत नाही…म्हणून अखेर कंटाळून शिक्षकांन कीटक नाशक पिऊन आत्महत्या करण्याचा प्रयत्न केल्याची धक्कादायक घटना घडली आहे.
सविस्तर असे की जामनेर शहरातील एकलव्य शिक्षण संस्थेत भारत रेशवाल यांना मे.उच्च न्यालयाच्या आदेशाने ११ नोव्हेंबर २०१९ रोजी पुन्हा उपशिक्षक म्हणून नियुक्तीवर घेण्यात आले आहे. मात्र सेवेत रुजू झाल्यानंतर संबंधित श्री.रेशवाल यांची फाईल प्रलंबित असल्याने श्री.रेशवाल यांना नोव्हेंबरपासून संस्थेकडून वेतनापोटीचा एक रुपयाही देण्यात आलेला नाही.शिक्षण उपसंचालकांकडे भारत रेशवाल यांची फाईल तब्बल चार महिन्यांपासून धूळ खात पडली आहे.
दरम्यान सर्व कागदपत्रांची पूर्तता करुन शिक्षण उपसंचालक उपासनी यांच्याकडून त्रास दिला जात असल्याचा आरोप भारत रेशवाल यांनी केला असून अखेर १ ऑक्टोंबर रोजी कीटनाशक पिऊन या शिक्षकाने आत्महत्येचा प्रयत्न केला.दरम्यान शिक्षकांस उपचारासाठी मध्यरात्री भुसावळ येथील खाजगी रुग्णालयात दाखल करण्यात आले असल्याची माहिती आहे.
