जळगाव : जळगाव शहरात अवजड वाहनांना बंदी असतानाही एक परप्रांतीय वाहन चालक थेट ट्रक घेऊन जळगाव शहरात घुसला. मद्यपान करून वर्दळीच्या रस्त्यावरून ट्रक चालवत तीन ते चार दुचाकीस्वारांना धडक दिली. तसेच एसटी बसलाही कट मारून धाेकादायक परिस्थिती निर्माण करणाऱ्या नवी दिल्लीच्या ट्रक चालकाला पकडून अनेकांनी मारहाण केली. चित्रा चाैक ते काेर्ट चाैका दरम्यानच्या रस्त्यावर ही घटना घडली.
जळगाव शहरातील नवीपेठ परिसरातील विद्या निकेतन महाविद्यालयाजवळ मद्यधुंद ट्रक चालकाने अंधाधुंद पद्धतीने त्याच्या ताब्यातील वाहन चालवीत पुढे चालणाऱ्या बससह पाच दुचाकींना धडक दिल्याची घटना सोमवारी दुपारी घडली आहे. यावेळी नागरीकांनी ट्रकचालकाला चांगलाच चोप देऊन पोलिसांच्या ताब्यात देण्यात आले आहे.
जळगाव शहरातील नवीपेठ भागातील गोलाणी मार्केट ते छत्रपती शिवाजी महाराज पुतळा चौक दरम्यान असलेल्या विद्या निकेतन महाविद्यालयाजवळून ट्रक क्रमांक (एचएच ३४ एव्ही १४५३) जात होता. या ट्रकवरील चालक यांने मद्य प्राशन केलेले होते. यावेळी त्याने दारूच्या नशेत बस आणि इतर पाच दुचाकींना धडक दिली. या अपघातात काहीजण किरकोळ जखमी झाले आहे.
हे पण वाचा..
महाराष्ट्रासाठी पुढचे दोन दिवस महत्त्वाचे ; थंडीबाबत हवामान खात्याने वर्तविला हा अंदाज
मोदी सरकारच्या ‘त्या’ निर्णयामुळे महाराष्ट्रातील जनतेला बसणार वीज बिल दरवाढीचा शॉक?
16 वर्षीय विद्यार्थ्याच्या प्रेमात 23 वर्षीय शिक्षिका झाली वेडी ; मुलासोबत झाली फरार अन्…
.. अन्यथा पीएम किसान योजनेचे पैसे मिळणार नाही ; शेतकऱ्यांनो हे काम त्वरित करा
दरम्यान, अश्या परिस्थितीत अपघातावरीन नियंत्रण सुटले असते तर मोठी दुर्घटना घडली असती असे प्रत्यक्षदर्शी यांनी सांगितले. यावेळी काही सुज्ञ नागरीक व तरुणांच्या सहकार्याने विद्या निकेतन महाविद्यालयाजवळ ट्रक थांबवून मद्यधुंद चालकाचा खाली उतरविले. तसेच ट्रकच्या धडकेमुळे जखमी झालेल्या संतप्त दुचाकीस्वार व इतरांनी ट्रकचालकाला कपडे फाटेपर्यंत चांगलाच चोप दिला व पोलीसांच्या ताब्यात दिले आहे. या वेळी वाहतूकीची मोठी कोंडी होवून वाहतूक विस्कळीत झाली होती.
