सातारा – ‘मला ‘जाणता राजा’ म्हणा असं मी कुठेही, कोणालाही म्हटलेलं नाही. पण मी एक गोष्ट सांगू इच्छितो की शिवाजी महाराजांच्या इतिहासाचा कुणी नीट अभ्यास केला तर त्यांना हे ज्ञात होईल की छत्रपती यांची उपाधी ‘शिवछत्रपती’ ही होती, ‘जाणता राजा’ अशी कधीच नव्हते . ‘जाणता राजा’ हे बिरुद रामदास स्वामींनी शिवरायांना दिलं आणि मी हेही सांगतो की रामदास स्वामी हे शिवाजी महाराजांचे गुरु नव्हते, तर त्यांच्या गुरु राजमाता जिजाऊ होत्या. शिवरायांचं व्यक्तिमत्त्व जिजाऊंनी घडवलं आहे,’ असं विधान राष्ट्रवादीचे अध्यक्ष शरद पवार यांनी केलं आहे.
या पुस्तकावरून वाद सुरू झाल्यानंतर लेखक आणि भाजप नेते जयभगवान गोयल यांनी ते मागे घेतलं असलं तरी वादाचे पडसाद अजूनही उमटत आहेत. आज सातारा येथील सभेत शरद पवारांनी वरील विधान करून या विषयाला पुन्हा तोंड फोडले आहे. शरद पवार बुधवारी सातारा दौऱ्यावर आहेत. तेथे ते बोलत होते.
