मुंबई : ऐन थंडीच्या दिवसात राज्यात ६ ते ९ तारखेपर्यंत विविध ठिकाणी पाऊस पडण्याचा अंदाज व्यक्त केला आहे. आगामी चार दिवसांमध्ये मराठवाडा, उत्तर महाराष्ट्र आणि विदर्भातील विविध जिल्ह्यांमध्ये पाऊस होण्याची शक्यता आहे. आयएमडीनं विदर्भातील काही जिल्ह्यांन यलो ॲलर्ट केला आहे. कोरोना आणि आर्थिक संकटातून सावरणाऱ्या शेतकऱ्यांचं अवकाळी पावसानं आणखी एकदा नुकसान होण्याची भीती आहे.
उत्तरेकडील वेस्टर्न डिस्टर्बन्सचा परिणा जाणवणार असून येत्या चार दिवसात राज्यात काही ठिकाणी हलक्या पावसाची शक्यता वर्तवण्यात आली आहे. काही ठिकाणी मेघगर्जनेसह पाऊस होण्याची शक्यता आहे. 6 ते 9 जानेवारी दरम्यान विविध ठिकाणी पाऊस होणार आहे.
6 जानेवारी रोजी धुळे,नंदुरबार या ठिकाणी पावसाचा इशारा देण्यात आला आहे. तर 7 जानेवारी धुळे,नंदुरबार,जळगाव,नाशिक,अहमदनगर याठिकाणी पावसाची शक्यता वर्तविण्यात आला आहे. 8 जानेवारी ठाणे पालघर व उत्तर महाराष्ट्र,विदर्भातील काही भाग तर 9 जानेवारी मराठवाडा आणि विदर्भातील काही भागात पावसाची शक्यता आहे.
8 जानेवारीला विदर्भात यलो ॲलर्ट
बुलडाणा, अकोला, अमरावती, वर्धा, नागपूर जिल्ह्यांना 8 जानेवारीला यलो अॅलर्ट देण्यात आलाय. तर, 9 जानेवारीला अमरावती, वाशिम, यवतमाळ, वर्धा, नागपूर, चंद्रपूर, भंडारा, गोंदिया, गडचिरोली जिल्ह्याला यलो अॅलर्ट देण्यात आलाय.
