जर तुम्ही पत्रकार असाल आणि नोकरी करण्याची तुमची इच्छा असेल तर तुमच्यासाठी एक आनंदाची बातमी आहे. ती म्हणजे महाराष्ट्र लोकसेवा आयोगाने राज्य शासनाच्या माहिती व जनसंपर्क महासंचालनालयातील रिक्त पदांसाठी भरती केली जाणार आहे. यासाठी असणाऱ्या शैक्षणिक अर्हतेत बदल केले गेले आहेत. यानुसार शुक्रवारी २१ एप्रिलला शुध्दिपत्रक प्रसिध्द केले आहे.
नवीन बदलानुसार जर्नालिझम विषयात पदवी तसेच पदविकाधारकांसोबत आता पदव्युत्तर पदवीधारकांनाही अर्ज करता येणार आहे. दरम्यान, याआधी जर्नालिझम विषयात पोस्ट ग्रॅज्युएट झालेल्या उमेदवारांना अर्ज करता येत नव्हता. मात्र १७ एप्रिलला (सोमवार) ‘डिप्लोमा, डिग्री चालते, मग पोस्ट ग्रॅज्युएट का नाही? ही बातमी आल्यानंतर यामध्ये बदल करण्यात आले.
यानुसार राज्य शासनाने शैक्षणिक अर्हतेत बदल करण्याचा निर्णय घेण्यात आला. त्यानुसार शैक्षणिक अर्हतेमध्ये जर्नालिझम विषयात पदव्युत्तर पदवी आणि पदविकासह एकूण १६ अर्हतेचा नव्याने समावेश केला आहे.
दरम्यान, राज्याच्या माहिती व जनसंपर्क महासंचालनालय विभागातील माहिती उपसंचालक, जिल्हा माहिती अधिकारी, जनसंपर्क अधिकारी यासह इतर पदांसाठी एमपीएससीद्वारे ३० डिसेंबर २०२२ रोजी जाहिरात प्रसिध्द केली गेली होती. मात्र, शैक्षणिक पात्रता अर्हता निकषामुळे अनेकांना अर्ज करण्यात तांत्रिक अडचणी येत होती. त्यानंतर १० एप्रिलला नव्याने शुध्दिपत्रक प्रसिद्ध केले. त्यामध्ये पुन्हा मास कम्युनिकेशन, जर्नालिझम, फिल्म टेलिव्हिजन आणि न्यू मीडिया विषयात पदवी तसेच पदव्युत्तर पदविका आदी १६ प्रकारच्या शैक्षणिक अर्हता ग्राह्य धरण्यात आल्या आहेत.
हे पण वाचा..
केंद्रीय नोकरीची मोठी संधी..! भाभा अणु संशोधन केंद्र मुंबईत 4374 जागांसाठी भरती
पुण्यातील डेक्कन एज्युकेशन सोसायटीमध्ये 9वी ते पदवीधरांना नोकरीची संधी.
10वी उत्तीर्णांना पुण्यात सरकारी नोकरीची संधी..तब्बल 56,900 पगार मिळेल
8वी उत्तीर्ण आहात आणि सरकारी नोकरी हवीय? मग ताबडतोब करा अर्ज, एवढा पगार मिळेल?
दरम्यान, या नव्या बदलामुळे आता पत्रकारितेमधील अनेक उमेदवारांना याचा फायदा होणार असून, यासाठी अर्ज करण्याची उमेदवारांना पूर्वी २५ एप्रिलपर्यंत अंतिम मुदत देण्यात आली होती. मात्र नवीन शुध्दिपत्रकानुसार शैक्षणिक पात्रतेत बदल करण्यात आले आणि तसेच अर्ज करण्यासाठी ८ मेपर्यंत मुदतवाढही देण्यात आली आहे.
