यावल ( प्रतिनिधी )- तालुक्यातील भालशिव शिवारात विनापरवाना वाळुची अवैध वाहतुक करणाऱ्या एका ट्रॅक्टरला महसुलच्या पथकाने जप्त केले असुन या ट्रॅक्टरवरील चालक मात्र तिथ मिळुन आला नाही .
या संदर्भात महसुलच्या सुत्रांकडुन मिळालेल्या माहितीनुसार तालुक्यातील महसुलचे पथक हे वाळु माफीयाच्या मागावर असतांना आज दिनांक २७ एप्रिल रोजी सकाळी १०ते १० , ३० वाजेच्या सुमारास भालशिव गावाच्या शिवारात यावल मार्गावर एमएच १९ ए एन ४१३४ क्रमांकाचे ट्रॅक्टर हे विनापरवाना गौण खनिजची वाहतुक करण्यासाठी वाळुने भरलेल्या बेवारस स्थितीत यावल विभागाचे मंडळ अधिकारी शेखर तडवी , यावलचे तलाठी ईश्वर कोळी , परसाडे येथील तलाठी समिर तडवी , कोतवाल पंढरीनाथ अडकमोल व कोळवद तलाठी संदीप गोसावी व कोळवदचे कोतवाल सोनु सिंग यांचे पथक हे गस्तीवर असतांना मिळून आले.
ट्रॅक्टरला कोतवाल पंढरीनाथ अडकमोल यांनी चालवुन पोलीस स्टेशन पर्यंत आणले, सदरचे हे ट्रॅक्टर वाहन शरद भागवत कोळी यांच्या मालकीचे असुन त्यास यावल पोलीस स्टेशन मध्ये पुढील दंडात्मक कार्यवाही करिता जमा करण्यात आले आहे .महसुलच्या पथकाने केलेल्या या कार्यवाही मुळे अवैद्य मार्गाने विनापरवाना गौण खनिज ची चोरटी वाहतुक करणाऱ्यांवर वचक बसणार.
