Spread the love

ट्रम्पच्या टॅरिफमुळे आंतरराष्ट्रीय समीकरण मोठ्या प्रमाणात बदललं असून अमेरिका आणि चीनमध्ये व्यापार युद्धाची परिस्थिती निर्माण झाली आहे.दोनही देशांनी एकमेकांवर लादलेले कर आणि दोन देशांमध्ये वाढलेला दुरावा पाहता याचा थेट फायदा भारताला होऊ शकतो.अमेरिका आणि चीनमधील वाढत्या व्यापार युद्धाचा फायदा भारतीय ग्राहकांना होऊ शकतो. अमेरिकेसोबतच्या वाढत्या तणावादरम्यान, अनेक चिनी इलेक्ट्रॉनिक कंपन्या सध्या भारतीय कंपन्यांना ५% पर्यंत सूट देत आहेत यावरून येत्या काळात मोबाईल, फ्रिज, टीव्ही इलेक्ट्रॉनिक वस्तू स्वस्त होऊ शकतात.

एकाच वेळी दोघांसोबत विवाहितेचं प्रेमसंबंध,अन्…पुढे जे घडलं ते भयंकरचं

दोनही देशांनी एकमेकांवर लादले कर

२ एप्रिल रोजी अमेरिकेचे राष्ट्राध्यक्ष डोनाल्ड ट्रम्प यांनी चीनवर ५४% पर्यंत कडक कर लादण्याची घोषणा केली, त्याला प्रत्युत्तर म्हणून चीननेही अमेरिकेच्या आयातीवर ३४% कर लादला.यानंतर लगेचच अमेरिकेने चीनवरील आयात शुल्क १०४ टक्क्यांपर्यंत वाढवून प्रत्युत्तर दिले, ज्याला प्रत्युत्तर म्हणून चीननेही अमेरिकेवरील आयात शुल्क ८४ टक्क्यांपर्यंत वाढवले.चीनच्या कारवाईमुळे संतप्त झालेल्या ट्रम्प यांनी ९ एप्रिल रोजी चीनवरील आयात शुल्कात आणखी वाढ करण्याची घोषणा केली, ज्यामुळे ते १२५ टक्क्यांपर्यंत वाढले.

इकॉनॉमिक टाईम्सने प्रकाशित केलेल्या एका अहवालात यासंदर्भात माहिती दिली आहे. ग्राहकांची मागणी वाढवण्यासाठी भारतीय इलेक्ट्रॉनिक्स कंपन्या या सवलतीचा काही भाग ग्राहकांना देऊ शकतात, असे अहवालात म्हटले आहे.चीन आणि अमेरिकेतील या व्यापार युद्धामुळे जगभरातील गुंतवणूकदार चिंतेत आहेत. दोन्ही देशांमधील या लढाईत भारतीय कंपन्यांना फायदा होऊ शकतो असे तज्ज्ञांचे मत आहे.

जास्त शुल्कामुळे निर्यातदार कंपन्यांवर दबाव वाढला आहे कारण त्यांना आता अमेरिकेतून कमी ऑर्डर मिळत आहेत. या परिस्थितीत, भारतीय इलेक्ट्रॉनिक्स कंपन्या चीनमधून स्वस्त दरात वस्तू आयात करू शकतात आणि यामुळेच भारतात मोबाईल, फ्रिज, टीव्ही इलेक्ट्रॉनिक वस्तू स्वस्त होऊ शकतात.