मुंबई, (प्रतिनिधी)- मुख्यमंत्री उद्धव ठाकरे यांनी काल रात्री समजमाध्यमातून जनतेशी संवाद साधला यानंतर भाजपा नेते देवेंद्र फडणवीस यांनी ट्विट करून आघाडी ‘सरकार’ वर जोरदार टीका करत ‘हल्लाबोल’ केला आहे.
यावेळी देवेंद्र फडणवीस यांनी महाविकास आघाडी सरकारला लक्ष करत म्हणाले की,पुन्हा लॉकडाऊन लावतांना युके,जर्मनी कुठेही जा,सर्वांनीच काही ना काही पॅकेज दिलंय…
तुलना केवळ परिस्थितीशी नको,सरकारच्या कृतीशीही व्हावी,एवढीच महाराष्ट्राच्या जनतेची अपेक्षा असल्याचं ट्विट विरोधी पक्ष नेता देवेंद्र फडणवीस यांनी केलं असून
विरोधक वा तज्ञांचा दु:स्वास करून नाही,तर आपण प्रत्यक्ष काय करतो,याचे प्रबोधनात्मक विवेचन कोरोना थांबविण्यात अधिक मदत करेल असा टोला त्यांनी यावेळी लागवला आहे.
होय,आम्ही तर गेल्या वर्षभरापासून रस्त्यावरच आहोत…
आणि आमची पुन्हा तयारी आहे, रस्त्यावर उतरून पुन्हा लोकांना समजून सांगण्याची, त्यांच्या मदतीला धावून जाण्याची…असंही देवेंद्र फडणवीस यांनी यावेळी स्पष्ट केलं आहे.
पुन्हा लॉकडाऊन लावतांना युके,जर्मनी कुठेही जा,सर्वांनीच काही ना काही पॅकेज दिलंय…
दरम्यान फ्रान्सने तिसर्यांदा लॉकडाऊन लावला,
पण120 अब्ज डॉलर्सचे विविध उपाय हाती घेतले.
हंगेरीत ‘वर्क फ्रॉम होम’पण युरोपियन युनियनमध्ये भांडून हक्काचा निधी पदरी पाडून घेतला.बेल्जियमने परत लॉकडाऊन केलाय पण 20 बिलियन युरोचे पॅकेज जाहीर केलंय. पोर्तुगाल सरकारने नागरिकांची ये-जा थांबविली आहे.
पण13 बिलियन युरोचे पॅकेज मार्च 2020 मध्येच जाहीर केले.आयर्लंडमध्ये डिसेंबरपासून कडक निर्बंध आहेत.
पण 7.4 बिलियन युरोंचे पॅकेज ऑक्टोबरमध्येच दिलंय.
फिलिपाईन्समध्ये कडक निर्बंध आहेत,पण, 3.4 बिलियन डॉलर्सचे पॅकेज सप्टेंबरमध्येच दिलंय.डेन्मार्कमध्येही तीच परिस्थिती.पण एप्रिल 2020 मध्येच सर्वच घटकांना पॅकेज.ग्रीसमध्ये हळूहळू निर्बंध उठण्यास मदत.
पण, 2,20,000 उद्योग आणि 6 लाखांवर कर्मचार्यांना मदत एवढेच नाही तर वेतन न मिळणार्यांना 800 युरोंपर्यंत मदत केली असल्याचं देवेंद्र फडणवीस यांनी म्हटलं आहे.
तुमचे वजन वापरून बघा काही मिळते का – जितेंद्र आव्हाडांचा फडणवीसांना टोला
पुन्हा लॉकडाऊन लावतांना युके,जर्मनी कुठेही जा,सर्वांनीच काही ना काही पॅकेज दिलंय… महाविकास आघाडी सरकारला लक्ष करीत देवेंद्र फडणवीस यांनी असं ट्विट केल्यानंतर मंत्री जेतेंद्र आव्हाड यांनी देखील फडणवीसांना प्रतिउत्तर देत टोला लागवला आहे.
जितेंद्र आव्हाड यांनी देवेंद्र फडणवीस यांच्यावर निशाणा साधतं म्हटलं आहे की, ” पण हे सगळे तिथल्या केंद्र सरकारनी केले आहे ….आपले केंद्र सरकार काय देणार …अजून राज्याचे हक्काचे पैसे देत नाही … बघा काही मिळते का तुमचे वजन वापरून.
