मध्य रेल्वे प्रशासनाने प्रवाशांची अतिरिक्त गर्दी लक्षात घेऊन मध्य रेल्वे छत्रपती शिवाजी महाराज टर्मिनस आणि नागपूर- मालदा टाउन दरम्यान ३६ साप्ताहिक उन्हाळी विशेष गाड्या चालवीण्याचा निर्णय घेतला आहे. छत्रपती शिवाजी महाराज टर्मिनस नागपूर साप्ताहिक १८ – फेऱ्या घेणार आहे. तसेच ०१०३३ साप्ताहिक अतिजलद विशेष ९ एप्रिल ते ४ जून पर्यंत छत्रपती शिवाजी महाराज टर्मिनस येथून दर शनिवारी ००.२० वाजता सुटेल आणि नागपूर येथे त्याच दिवशी १५.३२ वाजता नागपूर येथे पोहोचेल.
याशिवाय ०१०३४ अतिजलद विशेष १० एप्रिल ते ५जूनपर्यंत दर रविवारी १३.३० वाजता नागपूर येथून सुटेल आणि छत्रपती शिवाजी महाराज टर्मिनस येथे दुसऱ्या दिवशी ०४.१० वाजता पोहोचेल. गाडी दादर, ठाणे, कल्याण, नाशिक रोड, मनमाड, भुसावळ, मलकापूर, शेगाव, अकोला, मूर्तिजापूर, बडनेरा, धामणगाव आणि वर्धा थांबा घेईल. छत्रपती शिवाजी महाराज टर्मिनस – मालदा टाउन साप्ताहिक १८ फेऱ्या ०१०३१ साप्ताहिक अतिजलद विशेष ११ एप्रिल ते ६ जूनपर्यंत दर सोमवारी छत्रपती शिवाजी महाराज टर्मिनस येथून ११.०५ वाजता सुटेल आणि मालदा टाउन येथे तिसऱ्या दिवशी ००.४५ वाजता पोहोचेल.
०१०३२ साप्ताहिक विशेष १३ एप्रिल ते ८ जूनपर्यंत दर बुधवारी मालदा टाउन साप्ताहिक येथून १२.२० वाजता सुटेल आणि छत्रपती शिवाजी महाराज टर्मिनस येथे तिसऱ्या दिवशी ०३.५० वाजता पोहोचेल. ही दादर, कल्याण, नाशिक रोड, भुसावळ, खंडवा, इटारसी, पिपरिया, जबलपूर, कटनी, सतना, माणिकपूर, प्रयागराज छिवकी, मिर्झापूर, पं. दीनदयाल उपाध्याय जंक्शन, बक्सर, आरा, पटना, बख्तियारपूर, किउल, अभयपूर जमालपूर, सुलतानगंज, भागलपूर, कहलगाव, साहिबगंज, बडहरवा आणि न्यू फरक्का असा थांबा घेईल. या विशेष ट्रेनसाठी विशेष शुल्कासह बुकिंग ७ एप्रिलपासून सर्व संगणकीकृत आरक्षण केंद्रांवर आणि www.irctc.co.in संकेतस्थळावर सुरू झाले आहे.
