जळगाव, (प्रतिनिधी)- माजी मंत्री आ.गिरीश महाजन यांना कोरोनाची लागण झाली असून पुढील उपचारासाठी ते मुंबईतील सरकारी रुग्णालयात दाखल होणार असल्याचं त्यांनीच आपल्या ट्विटर हॅण्डल वरून ट्विट करुन सांगितलं आहे.
आ. गिरीश महाजन यांनी आपल्या ट्विट मध्ये म्हटलं आहे की, दोन दिवसांपूर्वी ताप आल्यानंतर कोरोणा चाचणी केली असता, मला कोरोनाची बाधा झाल्याचे निष्पन्न झाले. डॉक्टरांच्या सल्ल्यानुसार घरीच क्वारंटाईन होऊन उपचार घेत होतो. पुढील उपचारासाठी लवकरच मुंबई येथील सेंट जॉर्ज शासकीय रुग्णालयात दाखल होत आहे.
तरी गेल्या ३-४ दिवसांत माझ्या संपर्कात आलेल्यांनी कोरोनाची चाचणी करून घ्यावी अशी माझी विनंती आहे.
आपणा सर्वांचे प्रेम व आशीर्वाद पाठीशी आहेतच लवकरच नव्या जोमाने आपल्या सेवेत दाखल होईल असं देखील आमदार गिरीश महाजन यांनी म्हटलं आहे.
