पुणे : महाराष्ट्राच्या विविध भागांमध्ये गेल्या काही दिवसांपासून गारपीट आणि पाऊस पडतोय. यामुळे शेतकऱ्यांचे मोठे नुकसान झाले आहे. पावसाळी वातावरण निवळेल असा आशावाद निर्माण झालेला असताना आणि भारतीय हवामान विभागाकडून पुन्हा अवकाळीचा इशारा देण्यात आला आहे.
आज मुंबई, ठाणे, पालघर, रायगड, रत्नागिरी या जिल्ह्यांमध्ये मेघगर्जनेसह हलक्या पावसाच्या सरींची शक्यता वर्तवण्यात आली आहे. त्यामुळे आज, बुधवारी मुंबईमध्ये निघणाऱ्या गुढीपाडवा शोभायात्रांवर पावसाचे सावट असल्याने चिंतेचे ढग दाटले आहेत.
राज्यात या आठवड्यात पावसाची शक्यता कायम आहे. मुंबईसह, पालघर, ठाणे, रायगड, रत्नागिरी येथे गुरुवारपर्यंत हलक्या सरींची शक्यता आहे, तर सिंधुदुर्गात आज, बुधवारी पाऊस पडू शकेल. धुळे, नंदुरबार, सोलापूर, परभणी, हिंगोली, नांदेड, लातूर, उस्मानाबाद, अमरावती, भंडारा, चंद्रपूर, गडचिरोली, गोंदिया, नागपूर येथे शुक्रवार आणि शनिवारसाठी यलो अॅलर्ट देण्यात आला आहे. गुरुवारपर्यंत हलक्या सरी, तर त्यानंतर विजा आणि मेघगर्जनेसह पावसाची शक्यता आहे. नाशिक, अकोला, बुलडाणा, वर्धा, वाशिम, यवतमाळ येथे शनिवारी विजांसह पाऊस पडू शकेल. तोपर्यंत हलक्या सरींचा अंदाज आहे. जळगाव, अहमदनगर, पुणे येथेही पुढील चार दिवसांमध्ये अधूनमधून पाऊस पडू शकतो.
हे पण वाचाच..
खुशखबर..! सेंट्रल बँक ऑफ इंडियामध्ये 5000 पदांसाठी भरती
सणासुदीला खाद्यतेल झाले स्वस्त, दरात मोठी घसरण ; पहा 1 लिटरचा दर
पहूर शिवरातील ज्वारीच्या शेतात ४० वर्षीय तरुणाचा खून!
जळगाव जिल्हा नाकाबंदी दरम्यान पोलीस दलाची धडक कारवाई
श्रीलंकेपासून विदर्भापर्यंत समुद्रसपाटीपासून ९०० मीटर उंचीपर्यंतच्या हवेच्या जाडीत दक्षिणोत्तर पसरलेला हवेच्या कमी दाबाचा आस आणि त्यातून महाराष्ट्राच्या भूभागावर तयार झालेली वारा खंडितता प्रणाली यामुळे मंगळवारपासून पुढील पाच दिवस म्हणजे शनिवार, २५ मार्चपर्यंत राज्यात पावसाची शक्यता कायम असल्याचे निवृत्त हवामान विभाग अधिकारी माणिकराव खुळे यांनी स्पष्ट केले. याची तीव्रता खूप नसेल त्यामुळे शेतकऱ्यांनी घाबरण्याचे कारण नाही, असेही ते म्हणाले. कोकणामध्ये पावसाचा जोर ओसरलेला असला तरी वातावरणीय प्रणालीमुळे किरकोळ पाऊस पडल्याचेही ते म्हणाले.
